Il-MPE Kirkhope jibgħat mistoqsijiet u l-inkwiet mill-NGOs u l-linji tal-ajru fuq il-bilanċ bejn il-libertà u s-sigurtà hekk kif id-dibattitu jintensifika fuq ir-Rekords tal-Ismijiet tal-Passiġġieri.

Timothy Kirkhope: Il-PNR għodda ewlenija biex tkun miġġielda l-kriminalità

https://api.multimedia.europarl.europa.eu/documents/20125/11962563/n004-0017-mt.srt

Wara l-attakk terroristiku riċenti f'Pariġi,  is-sigurtà reġgħet lura fuq l-aġenda.

Il-mexxejja tal-UE jixtiequ  jimplimentaw sistema komuni ta' 

skambju ta' informazzjoni dwar passiġġieri  tal-ajru li jivvjaġġaw lejn jew mill-UE.

Ir-Reġistru tal-Ismijiet tal-Passiġġieri, jew  PNR, jista' jipprovdi ismijiet, indirizzi,

informazzjoni bankarja, itinerarji u  dettalji oħra. Imma l-idea hi kontroversjali

u kienet irrifjutata mill-Kumitat  għal-Libertajiet Ċivili fl-2013.

Tkellimna ma' Timothy Kirkhope, il-MPE  responsabbli għar-rapport tal-PE fuq il-PNR.

Timothy Kirkhope, inti r-rapporteur fuq  il-proġett dwar ir-Reġistru tal-Ismijiet 

tal-Passiġġieri, li kien irrifjutat mill-Kumitat  għal-Libertajiet Ċivili fl-2013.

Kellna deċiżjonijiet  mill-Qorti tal-Ġustizzja tal-UE.

Issa l-PNR reġa' dieħel  minħabba li ċ-ċirkustanzi li nbidlu,

u aħna għandna serje ta'  mistoqsijiet mingħand is-soċjetà ċivili,

Nibdew b'dik tal-Assoċjazzjoni Ewropea  għad-Difiża tad-Drittijiet tal-Bniedem.

Is-sistema tal-PNR ser tħares id-drittijiet  bażiċi tal-protezzjoni tal-informazzjoni

personali - il-bilanċ  bejn il-libertà u s-sigurtà.

Preċiżament, liema salvagwardji  regolatorji u ta' proċedura ser ikun hemm

biex jipproteġu l-informazzjoni rreġistrata,  il-kontenut, riċevituri u perjodu ta' żamma.

'Il-PNR reġa' lura  minħabba ċ-ċirkustanzi.'

Fil-fatt mhux hekk, ilu magħna  tliet snin bħala proġett utli ħafna

biex jipprova jpoġġi xi  standards Ewropej f'posthom

fir-rigward tal-informazzjoni  li tittieħed mingħand il-passiġġieri,

l-informazzjoni li  ksibna meta jivvjaġġaw bl-ajru.

Dan ovvjament hu importanti ħafna meta  qed nitrattaw mhux biss l-avvenimenti 

riċenti, bħall-attakki  terroristiċi terribbli f'Pariġi,

imma anke ovvjament,  kriminalità kbira:

nies involuti  fit-traffikar ta' nies jew tfal.

Fi kliem ieħor, hi informazzjoni  li hi disponibbli għall-awtoritajiet

f'ċertu ċirkustanzi  b'kontrolli stretti biex tintuża

U fil-fatt dan hu importanti ħafna  għad-dritt tal-infurzar tal-liġi fl-Ewropa.

L-informazzjoni ma kinetx ser twaqqaf,  pereżempju, l-attakk tas-7/7 f'Lonrda

jew l-attakk fuq Charlie Hebdo għax  dawn kienu nies tal-istess nazzjonalità,

dawn in-nies huma terroristi li  kibru fil-pajjiż, ma vjaġġawx għal hemm

għalhekk ir-reġistru ma jipprovdix  il-protezzjoni kollha li għandna bżonn.

S'issa għadna  ma nafux sa liema livell

jista' jew ma jistax  ikun utli f'każ partikolari.

Mhux qed ngħid li din hi l-uniku miżura  li għandna bżonn biex tipproteġina.

L-informazzjoni li tittieħed mingħand  in-nies meta jivvjaġġaw bl-ajru

hi informazzjoni li tipprovdi lill-  awtoritajiet b'ċertu tendenzi ta' attività,

u dak hu li rridu. Dan mhuwiex  eżerċizzju ta' ġbir ta' profili,

hu eżerċizzju li bih  inħarsu lejn it-tendenzi.

It-tendenzi jagħtuhom l-intelliġenza  jew l-informazzjoni li għandhom bżonn

biex iħarsu lejn xi ħaġa iżjed mill-qrib,  jaraw l-attivitajiet ta' persuna iżjed mill-qrib.

OK, ngħaddu għat-tieni mistoqsija. Din  id-darba ġejja mingħand linja tal-ajru,

il-Lufthansa, li wkoll  għandha mistoqsija għalik.

Il-linji tal-ajru Ewropej  huma maqbuda bejn il-basla u qoxritha.

Gvernijiet ta' pajjiżi terzi jitolbuna  ngħaddu l-informazzjoni tal-PNR.

Min-naħa l-oħra jekk ngħaddu  l-informazzjoni niksru l-liġi nazzjonali

tal-Istati tal-UE.  X'parir tagħti lil-linji tal-ajru Ewropej?

Bħalissa, għandna ftehim jew tnejn dwar  il-PNR f'posthom fil-pajjiżi tal-UE,

mar-Renju Unit,  mal-Belġjani, mal-Franċiżi u hekk. 

Imma ħafna pajjiżi  tal-UE m'għandhomx.

Il-problema li qed nara hi l-possibbiltà  li jkollok 28 sistema ta' PNR differenti

f'pajjiżi differenti iżjed  minn sett wieħed ta' standards,

sistema waħda ta' PNR, li  iżda topera mill-istati nazzjonali.

It-tielet mistoqsija, ġejja mingħand NGO  oħra, din id-darba l-European Digital Rights.

Dak li nixtieq inkun naf hu, liema hi  l-informazzjoni addizzjonali u ġdida

li ser tinġabar b'din is-sistema, li taħsbu  li ser tkun tiswa l-valur tal-burokrazija, 

l-ispiża u l-indħil li  din is-sistema ser tintroduċi?

Ovvjament, l-informazzjoni  li ser ikun hemm bżonn għall-PNR

tkun itwal mill-API, l-informazzjoni  bażika li għandhom bħalissa l-linji tal-ajru.

Dejjem nagħmel il-punt,  meta n-nies jgħidu:

'Ser tiġbor din l-informazzjoni  mingħandna, is-sorveljanza eċċ hi indħil'.

Jiena nirrisponi billi ngħid: meta jiena  niftaħ kont għall-Clubcard ma' supermaket,

irrid nagħtihom iżjed informazzjoni  mingħajr l-ebda salvagwardja dwar kif

tintuża milli qed nitolbu għall-PNR  biex tgħin fis-sigurtà taċ-ċittadini.

Irridu limitu dwar kemm iddum maħżuna  xi ħaġa, qed nipproponu ħames snin.

Ovvjament, l-informazzjoni jkollhom  aċċess għaliha nies ta' ċertu anzjanità

u għamilniha ċara xi  jkun il-livell tagħhom u hekk.

Jidher ċar, u jiddispjaċini,  li hemm oħrajn fil-Parlament tal-UE

li m'għandhomx l-istess entużjażmu  jew determinazzjoni biex ikollna dan.

Iridu jwieġbu  għall-mistoqsija dwar is-sigurtà

u jridu jwieġbu b'mod sħiħ dwar  x'tista' tfisser l-alternattiva.

Timothy Kirkhope, nirringrazzjak ħafna.  - Grazzi lilek.