Il-kwistjoni hi importanti ħafna u tifred ħafna wkoll: rikonoxximent tas-sovranità Palestinjana għandu jiġi qabel taħditiet ta' paċi jew viċi-versa? Iżrael u l-Palestinjani lesti għal dan? EPTV jinvestiga.

Is-Sovranità Palestinjana: il-pedament jew il-qofol għall-paċi?

https://api.multimedia.europarl.europa.eu/documents/20125/11922183/m003-0306-mt.srt

498 vot favur, 88 kontra  u 111-il astensjoni.

B'dan il-vot, il-Parlament tal-UE wera  l-appoġġ tiegħu għas-sovranità Palestinjana

kif ukoll għal soluzzjoni  ta' żewġ stati għall-paċi.

Ir-reżoluzzjoni addottata hi  riżultat ta' negozjati twal u diffiċli 

It-test addottat ma jobbligax lill-istati  jirrikonoxxu wkoll l-Istat tal-Palestina.

EuroparlTV ltaqgħa ma' bosta  partijiet involuti fuq il-kwistjoni:

MPE, rappreżentanti  tal-Awtorità Palestinjana,

Ambaxxatur Iżraeljan, storiku... kollha taw  l-perspettiva tagħhom fuq il-kwistjoni.

Maria Arena hi MPE Soċjalista Belġjana.

Kien il-grupp politiku tagħha  li obbliga lill-Parlament

biex jivvota fuq ir-rikonoxximent  tas-sovranità tal-Palestina.

Għaliha, kien hemm  bżonn urġenti li dan isir.

Illum, l-iżviluppi  fuq it-territorju Palestinjan

juru li mexjin lejn punt  fejn m'hemmx soluzzjoni,

is-soluzzjoni ta' żewġ stati  tista' ma tibqax iżjed vijabbli.

Għalhekk irridu nwaqqfu  dak li qed jiġri llum,

imbagħad inġibu lil bosta partijiet  involuti fuq il-mejda tan-negozjati.

Biex dan iseħħ,  dan ir-rikonoxximent hu neċessarju.

Naħseb li m'hemmx alternattiva  għar-rikonoxximent tas-sovranità

u biex sussegwentament  nipproċedu bit-taħditiet.

Din hi l-istess pożizzjoni tal-Ambaxxatriċi  għall-Awtorità Palestinjana fl-UE.

Leila Shahid temmen li r-rikonoxximent  tas-sovranità Palestinjana

hu trażżin importanti  fuq l-insedjamenti Iżraeljani.

L-Iżrael jgħid li qed jinnegozja  imma qed jagħmel insedjamenti kuljum.

Bħalissa hemm nofs miljun  insedjament fuq territorju Palestinjan,

ħajt twil 700km u Ġerusalemm tal-Lvant  ġiet totalment asseddjata u okkupata.

Nirrifjuta din  is-soluzzjoni ta' żewġ stati,

jekk ser inħallu lil dan il-gvern jistabbilixxi  insedjamenti kif qed jagħmel bħalissa

ser inkunu qed nersqu  lejn gwerra ċivili fi stat wieħed

fejn sal-2020 ser ikun hemm l-istess  numru ta' Palestinjani daqs Iżraeljani.

Is-Soċjal Demokratiċi fl-UE huma favur  rikonoxximent bla kundizzjonijiet.

Għan li mhux faċli jintlaħaq biex tiġbor  maġġoranza kbira biżżejjed fil-Plenarja.

Wara n-negozjati, id-dokument  addottat jistipula li l-Parlament

għandu jappoġġja l-istat Palestinjan  fil-prinċipju kif ukoll soluzzjoni ta' 

żewġ stati u jgħid li dan għandu jmur  id f'id mat-tiġdid ta' taħditiet tal-paċi.

Ir-rikonoxximent veru tal-istat Palestinjan  jibda fejn jieqaf il-proċess tat-taħdit

għall-paċi bejn iż-żewġ naħat għax  it-tnejn li huma diġà qed jeżistu issa,

Kundizzjoni prinċipali hi dik  tad-demokratizzazzjoni tal-partiti

li jispiċċaw wiċċ  imb'wiċċ waqt it-taħditiet.

Issa għandna stat  demokratiku, l-Iżrael,

imma quddiem Iżrael hemm stat  li ma jirrenjax bid-demokrazija.

Għalhekk, l-ewwel pass  biex l-affarijiet jiċċaqalqu

hu li nappoġġjaw tranżizzjoni reali  lejn id-demokrazija fil-Palestina.

Dan ovvjament ifisser li niżolaw  il-fazzjonijiet li jiċħdu d-demokrazija.

L-importanti, għall-MPE li vvutaw  b'maġġoranza favur id-dokument,

hu li ninkuraġġixxu t-tkomplija  tad-djalogu bejn Iżrael u l-Palestina.

Imma l-istat Lhudi kif jara dan il-messaġġ?

L-Ambaxxatur Iżraeljan għall-UE  hu ċar ħafna dwar il-kwistjoni.

Il-ħaġa hi, ma tistax tinforza l-opinjonijiet  tiegħek fuq il-Palestinjani u l-Iżrealjani

minn barra. Jiddispjaċini,  huma żewġ entitajiet indipendenti

u jridu jkunu lesti li  jagħmlu dan huma stess, waħedhom,

Intom tridu, nifhem, jew għallinqas  dak li jgħiduli l-parlamentari,

li ġġiegħlu lill-Iżraeljani  u lill-Palestinjani jitkellmu flimkien.

Sfortunatament, dak li qed tagħmlu  hu li żżommuhom iżjed 'il bogħod.

Ir-rikonoxximent tal-Palestina  taqsam l-opinjoni f'Iżrael.

Elie Barnavi, storiku u eks  Ambaxxatur għal Iżrael fi Franza

hu parti minn grupp ta' 800 intellettwali  Iżraeljani li ffirmaw petizzjoni

biex jappoġġjaw ir-rikonoxximent  tas-sovranità Palestinjana.

Ser ikun hemm soluzzjoni internazzjonali  imposta, jew ma jkunx hemm.

Għal bosta raġunijiet differenti, din hi  l-iżjed dgħufija politika tal-opponenti.

Nistgħu nagħmlu gwerra. Mhux bilfors tkun  politikament b'saħħtek biex tagħmel gwerra.

Il-gwerra tgħaqqad lin-nies.  Li ġġib il-paċi hi kwistjoni oħra.

Meta Rabin,  il-Prim Ministru, ipprova, inqatel.

Dak li l-Iżraeljani u  l-Palestinjani qed jintalbu li jagħmlu

huma affarijiet ta' uġiegħ  kbir u ta' firda profonda.

Filwaqt li jista' ma jkollux valur legali, il-vot  tal-PE hu importanti u simboliku ħafna. 

Huwa l-uniku spazju li fih l-opinjonijiet  tat-28 Stat Membru jistgħu jiġu espressi,

li mhijiex ċajta. Jirrappreżenta  nofs biljun ċittadini tal-UE.

Ma jkunx jagħmel sens jekk il-PE ma  jirrikonoxxix sieħeb li jaħdem miegħu.

Jiena l-Ambaxxatur għall-UE,  x'nirrappreżenta?

iżjed naraw dan l-istat ħażin tal-affarijiet:

soċjetà li hi mġiegħla tgħix flimkien,  żewġ nofsijiet sfurzati jgħixu flimkien,

imma li huma distinti b'mod mhux  ugwali minn okkupant u okkupat.

Mela jekk ma jkunx hemm stat  Palestinjan, l-ebda separazzjoni,

l-ebda fruntieri -  s'issa għad m'għandniex fruntiera

li hi anomalija f'termini  tal-liġi internazzjonali -

ser ikompli jkollna din is-sitwazzjoni  u jkun it-tmiem tal-proġett Żionistà.

Wara l-vot tal-PE, il-Kunsill tas-Sigurtà  tan-NU issa għandu jieħu azzjoni fuq  

il-ġlieda diplomatika bejn  l-Awtorità Palestinjana u l-Iżrael.

Il-Palestina diġà ssottomettiet  pjan għal paċi dejjiema.

Jekk dan jiġi aċċettat, il-pjan għandu  l-għan li jistabbilixxi l-paċi sal-2015,

u li jitneħħew it-truppi Iżraeljani  mit-territorju Okkupat qabel tmiem l-2017.