In-negozjaturi tal-Parlament laħqu ftehim mal-gvernijiet tal-UE dwar regoli ġodda dwar id-drittijiet tal-awtur online. Il-ftehim, kif ġie approvat mill-Kumitat għall-Affarijiet Legali, jissalvagwardja l-libertà tal-espressjoni fuq l-internet, inklużi memes, filwaqt li jiżgura li l-artisti u l-pubblikaturi tal-aħbarijiet jitħallsu b'mod ġust għax-xogħol tagħhom.

culture

technology

EU politics

consumer protection

DSM (Digital Single Market)

Il-Kumitat japprova ftehim dwar id-drittijiet tal-awtur

https://api.multimedia.europarl.europa.eu/documents/20125/19731404/N01-PUB-190222-COPY-MT.srt

Pjattaformi online kbar mhux ser ikunu jistgħu aktar

jaqilgħu flus bl-użu tal-kontenut ta' ġurnalisti u artisti

Dan huwa l-qofol ta' ftehim ġdid dwar ir-regoli tad-drittijiet tal-awtur

li l-MPE laħqu mal-istati membri f'negozjati

u li kien approvat mill-Kumitat dwar l-Affarijiet Legali tiegħu

Kruċjalment, kumpaniji fil-fażi tal-bidu u pjattaformi online iżgħar

ser ikunu suġġetti għal inqas obbligi mill-ismijiet aktar stabbiliti u magħrufa

"Jekk m'għandekx dħul ta' għaxar miljuni globalment

jew m'għandekx aktar minn ħames miljun viżitatur uniku kull xahar,

allura ser tkun eżentat xi ftit minn dan l-Artikolu 13."

L-Artikolu 13 ser jagħmel lill-pjattaformi online responsabbli

għal ksur tad-drittijiet tal-awtur ta' kontenut imtella' fuqhom.

Ir-riżultat aħħari ta' dan huwa li l-pjattaformi ser jikkumpensaw lill-awturi

b'mod aktar ġust għax-xogħol tagħhom.

Ma hemmx ħtieġa li l-pjattaformi jpoġġu filtri

– hija r-responsabbiltà tal-pjattaforma biex tiddeċiedi kif timplimenta r-regoli.

Aggregaturi tal-aħbarijiet xorta ser jistgħu jibqgħu jużaw biċċiet minn artikli

jew filmati ta' avvenimenti, kif inhu l-każ bħalissa,

kemm-il darba il-biċċa hija estratt żgħir ħafna.

U tinkwetax, il-memes tiegħek huwa siguri:

it-tlugħ ta' xogħlijiet għal parodija, pastiche, kritika

jew kwotazzjoni issa huma speċifikament protetti bis-saħħa ta' din il-ligi.

"Il-libertà tal-espressjoni mhijiex mimsusa.

Jekk teħtieġ tip ta' fundament bħal xogħol protett bid-drittijiet tal-awtur,

iva, għandek id-dritt li ttellgħu fuq il-pjattaformi."

Id-direttiva ssaħħaħ is-setgħa tal-kreattivi,

li jistgħu jinnegozjaw ħlas aħjar għax-xogħol tagħhom użat diġitalment.

Il-ftehim ser jitpoġġa għal vot finali

fil-plenarja fl-aħħar ġimgħa ta' Marzu.