Il-MPE jipproponu sanzjonijiet reali kontra dawk li jiffaċilitaw l-evitar tat-taxxa u protezzjoni ta' veru għall-informaturi.

Passi ġodda fil-ġlieda kontra l-evitar tat-taxxa

https://api.multimedia.europarl.europa.eu/documents/20125/11592409/n003-0409-mt.srt

Huwa stmat li l-evitar  tat-taxxa jiswa lill-pajjiżi tal-UE

sa 190 biljun ewro  fi dħul mitluf kull sena.

Fi stħarriġ riċenti, 75% tan-nies li ħadu  sehem enfasizzaw l-evitar tat-taxxa

bħala xi ħaġa li jemmnu li l-UE  għandha taħdem iżjed biex tiġġieled.

Il-Kumitat Speċjali TAXE  tal-Parlament qed jimbotta għal miżuri

bil-għan li jaffrontaw lil min  jevita t-taxxa u lil dawk li jgħinuhom.

Fuq quddiem hemm  is-Soċjalista Daniż, Jeppe Kofod.

Waħda mill-affarijiet li  qed niġġieldu għaliha hi

li l-banek u  d-ditti tal-avukati u tal-kontabilità

jkunu suġġetti għal sanzjonijiet  ta' veru jekk jevadu t-taxxa

Fl-aħħar tal-ġurnata, għandu jkun  possibbli li huma jitilfu l-liċenzja operattiva.

Għandu jkun hemm ukoll  protezzjoni aħjar għall-informaturi.

Il-ġurnalisti imma anke l-impjegati li jkunu  qed jgħidu lill-pubbliku dwar dawn l-affarijiet,

dwar l-evitar tat-taxxa, ippjanar  aggressiv tat-taxxa u affarijiet bħal dawn.

Għandhom jiġu protetti aħjar. Nafu  li hemm kawża fil-Lussemburgu

u li l-informatur tal-LuxLeaks ttella' l-qorti.  Naħseb li hi xi ħaġa tal-mistħija.

Globalment, immexxijja  mill-OECD, diġà ttieħdu ħafna passi. 

L-UE u l-Parlament b'mod partikolari  x'qed iżidu ma' dan il-proċess?

biex niġġieldu t-tnaqqis tal-bażi tat-taxxa u  ċ-ċaqliq tal-profitti ta' korporazzjonijiet kbar.

Importanti li nimplimentaw dan b'mod  effettiv anke fis-Suq Uniku Ewropew.

Għandna bżonn rapporti għal  kull pajjiż, li jsir b'mod pubbliku.

Għandna bżonn ukoll, meta  niġu għal kwistjonijiet ta' pussess,

il-bżonn li nidentifikaw is-sidien benefiċjarji

biex inkunu nistgħu naraw min hemm wara  l-kumpaniji għall-apparenza, fondi fiduċjarji

eċċ u jekk iħallsux it-taxxi li suppost.

Għalhekk irid ikun hemm segwitu b'mod  konkret fuq dawn it-tip ta' liġijiet fl-UE.

Anke meta nittrattaw ma' pajjiżi terzi li  jagħmluha ta' postijiet li joffru kenn

mit-taxxa għandna bżonn sanzjonijiet ċari

jekk mhux ser jikkoperaw biex  jimplimentaw l-istandards OECD.

Għalhekk il-Kumitat speċjali tal-Parlament,  TAXE, ra t-twelid ta' ieħor bħalu.

Minn meta kien hemm  il-Panama Papers 'leaks'

rajna li ġie stabbilit  kumitat ġdid ta' inkjesta.

X'ser ikun kapaċi jikseb  dak il-kumitat ta' inkjesta

L-ewwel nett, huwa ħafna iżjed b'saħħtu.

Jista' jagħmel talba legali għal dokumenti  mill-istituzzjonijiet tal-UE, mill-Istati Membri.

U l-kumitat TAXE kien  kumitat speċjali b'mandat limitat.

Mela ser ikollu mandat  iżjed b'saħħtu, u iżjed poter

u ser iħares lejn firxa ta'  kwistjonijiet iżjed wiesgħa:

l-evitar tat-taxxa, l-evażjoni  tat-taxxa imma anke l-ħasil tal-flus.

Bħalma rajna bil-Panama, hemm kriminali,  traffikanti tad-droga jew terroristi.

Jista' jkun hemm il-korruzzjoni involuta,  minħabba strutturi sigrieti fil-Panama.

Mela nistgħu nidħlu iżjed fil-fond u  nevalwaw jekk l-azzjonijiet u l-leġiżlazzjoni

fl-UE humiex biżżejjed biex nitrattaw  dawn il-problemi ma' pajjiżi terzi.

Ma naħsibx, għalhekk irridu nsaħħu dan u  nidħlu iżjed fil-fond ta' dawn il-kwistjonijiet.

Kemm hu importanti għalik bħala politiku li  qed tirrappreżenta lill-Ewropej fil-Parlament

li tagħmel dan tajjeb, biex forsi terġa'  tikseb il-fiduċja fl-istituzzjonijiet Ewropej?

Jekk il-bażi ta' taxxa tagħna titnaqqar minn  evażjoni u evitar ta' taxxa fuq skala kbira,

kif rajna llum, min ser iħallas għall-iskejjel,  l-isptarijiet u l-affarijiet pubbliċi?

U lil hinn mill-argument  ekonomiku li għadek kif semmejt

xi ngħidu dwar il-fiduċja  u t-tama fl-istituzzjonijiet?

Iva, hekk hu għax ħafna ċittadini  jħossu li l-istituzzjonijiet tagħna -

il-gvernijiet, l-istituzzjonijiet tal-UE - qed  ifallu li jiżguraw il-ġustizzja fit-taxxa.

Din hi era ta' globalizzazzjoni  fejn l-ekonomija hi globali,

fejn il-kapital jimxi b'mod liberu  madwar id-dinja fuq livell għoli

u fejn naraw ukoll l-inugwaljanza tiżdied  globalment u internament minħabba dan.

Jaraw li hemm evitar  tat-taxxa enormi fl-istess ħin.

Hi kwistjoni ta' tiġdid tal-fiduċja  fl-istituzzjonijiet tagħna, fil-gvernijiet,

f'nies eletti b'mod demokratiku, li jistgħu  jiġġieldu kontra din it-tendenza negattiva.

U xi ngħidu dwar ir-raġuni għaliex  l-evitar tat-taxxa hu possibbli?

Waħda mir-raġunijiet hi l-kompetizzjoni  tat-taxxa bejn Stati Membri.

Kif taħseb li għandek  tirmedja għal dik il-problema?

Tista' tissettja r-rata ta' taxxa tiegħek,  struttura ta' taxxa fl-Istat Membru tiegħek

imma jekk is-sistema li  taddotta fil-leġiżlazzjoni

jkollha impatt negattiv ħafna fuq il-viċinat  tiegħek, reġim ħażin ħafna ta' taxxa,

mela tkun problema għas-suq  uniku u għal ġustizzja tat-taxxa.

Mela naħseb li għandna nsaħħu  l-koperazzjoni tagħna fis-suq uniku fl-UE

mat-28 Stati Membru biex nevitaw  dawn ir-reġimi perikolużi ta' taxxa.

Il-Patent Boxes u n-Knowledge Boxes,  biex nagħti eżempju wieħed,

fejn fir-realtà tkun biss qed tgħin  lill-multinazzjonali kbar jevadu t-taxxa.

Għalhekk naħseb li dik hi t-triq  'il quddiem imma naf li hi sfida kbira.