Bl-iżvilupp u l-progress politiku fil-pajjiżi ACP, għadda żmien is-sħubija ta' bħalissa? Nistaqsu lill-Presidenti Louis Michel u Fitz Jackson x'nistennew wara l-2020.

L-għamla tas-Sħubija ACP-UE jeħtieġ tinbidel?

https://api.multimedia.europarl.europa.eu/documents/20125/12144447/n003-0383-mt.srt

Pajjiżi ACP u l-UE  għandhom rabta speċjali.

Fl-2020 is-sħubija tagħna, magħrufa  wkoll bħala l-Ftehim Cotonou, ser tintemm.

Imma x'ser jiġri wara? L-UE għandha  l-aqwa ħabiba tal-pajjiżi ACP?

Staqsejna lill-Ko-Presidenti tal-Assemblea  Parlamentari Konġunta tal-ACP-UE,

Fitz Jackson u Louis Michel,  x'jaħsbu dwar il-futur ta' din ir-relazzjoni.

Il-Ftehim Cotonou jagħlaq fl-2020.  X'ser jiġri wara?

Speċjalment meta niġu  għall-istrutturi ta' finanzi tal-ACP?

Hekk kif il-pajjiżi qed jiżviluppaw,  l-istruttura tar-relazzjoni trid titranġa

biex tibqa' aġġornata  mat-tibdil tul is-snin.

U nemmen li dak li jmiss  fil-Ftehim post-Cotonou

ser ifittex li jinkludi  dan fil-mixja 'l quddiem.

Min-naħa tal-UE,  hemm xi kwistjonijiet.

Mhux aħjar li jkollna pereżempju, sħubija  iżjed b'saħħitha bejn l-Afrika u l-UE

u li nressqu lill-pajjiżi tal-Karibew u  l-Paċifiku lura fiż-żoni rispettivi tagħhom?

Il-konsorzju ACP inħoloq biex jagħti  imbuttatura ekonomika lill-membri tiegħu.

40 sena wara,  din l-inizjattiva hi falliment?

Le imma immur iżjed lil hinn,  ma saritx biss biex tagħti imbuttatura,

hija mekkaniżmu biex jikkumpensa  għal xi wħud mid-distrozjonijiet

li kienu jeżistu qabel  f'ħafna mill-pajjiżi tal-ACP.

Diffiċli li tindirizza mill-ġdid  dak l-iżbilanċ li kien jeżisti qabel.

Le, ma nafx għaliex għandha  tqum il-kwistjoni ta' falliment.

Għandna naqsbu dwar fejn pajjiżi ACP  kienu jaslu mingħajr l-għajnuna tal-UE.

Ejja niftakru li 60% tal-għajnuna  għall-iżvilupp pubbliku tal-ACP ġejja

mill-UE u madwar  20% ġejja mill-Istati Uniti.

Differenza ewlenija hi li l-għajnuna  tal-UE ġejja bħala donazzjoni, mhux self,

mela b'xi mod qed ngħinu lil  pajjiżi ACP jħallsu d-djun tagħhom.

Seba' pajjiżi tal-Karibew jibbenefikaw  mill-ftehim ta' eżenzjoni ta' viża mal-UE.

Dan jista' jiġi estiż  għal pajjiżi ACP oħra?

L-abbiltà ta' migrazzjoni ta'  stati membri mill-grupp ACP

hu ta' importanza enormi  f'dak li hu żvilupp ekonomiku.

Fil-pajjiżi ACP, ma nipproduċux biss  komoditajiet, nipprovdu wkoll servizzi,

u l-abbiltà li  professjonisti f'pajjiżi ACP

jkollhom aċċess għas-swieq fl-Unjoni  Ewropea u li jipprovdu dawn is-servizzi

hu ta' importanza  tremenda għal pajjiżi ACP.

Jiġifieri iva,  nixtiequ li jiġi estiż. 

Qed nipprova niżgura li  r-relazzjoni tagħna tkun mingħajr viża,

li tagħti ċ-ċans li dawn in-nies jivvjaġġaw,

speċjalment meta jkunu parlamentari,  rappreżentanti ta' istituzzjonijiet.

U qed nagħmlu progress tajjeb. Nittama li  nistgħu niftiehmu fuq dan fix-xhur li ġejjin.

L-għajnuna mhux mod  antikwat ta' kif tgħin lill-pajjiżi ACP? 

L-UE m'għandhiex tgħin lill-pajjiżi ACP

billi tiżgura li multinazzjonali jħallsu  t-taxxi tagħhom meta jkun imisshom?

Bl-istess mod li l-Parlament Ewropew  qed jipprova jagħmel għall-UE?

Tiddejjaq tisma' lill-multinazzjonali  tal-Punent dejjem jiġu kkritikati. 

Dawk li huma responsabbli l-ewwel u fuq  quddiem talli serqu r-rikkezzi tal-Afrika

f'ħafna pajjiżi  mhumiex il-multinazzjonali.

Ħafna drabi huma  l-uffiċjali ta' dawn il-pajjiżi.

F'idejn il-pajjiżi sħab  tal-Afrika li jpoġġu qafas f'posthu.

Il-pajjiżi ACP m'għandhomx xi  xewqa jew preferenza ta' għajnuna.

Dejjem għedna li aħna  napprezzaw iżjed l-għajnuna fl-iżvilupp

U pajjiżi ACP iridu jimxu  mid-dipendenza għall-interdipendenza,

imma mingħajr ma jwarrbu  minn fejn ġejjin u fejn wasalna.