L-Ewropa ser timponi kwota ta' 40% għan-nisa fuq il-bordijiet ta' diretturi? X'jaħsbu fil-verità professjonisti nisa? EPTV jinvestiga fil-Ġermanja u l-Italja.

Riporter: In-nisa u n-negozju

https://api.multimedia.europarl.europa.eu/documents/20125/16174008/m003-0231-mt.srt

Il-Kummissjoni u l-PE jixtiequ  jimponu kwota ta' 40% għan-nisa

fuq il-bordijiet ta' diretturi  ta' kumpaniji privati sal-2020.

Din id-diskriminazzjoni xi wħud jarawha  pożittiva iżda oħrajn jarawha bla sens.

EuroparlTV jinvestiga  fil-Ġermanja u l-Italja,

li tradizzjonalment huma  t-tnejn pajjiżi konservattivi.

Christiane Hipp hi mara  ffukata fuq il-karriera tagħha.

Hi eċċezzjoni hawn fil-Ġermanja  fejn in-nisa jgħoddu biss 3.5%

tad-diretturi fuq  il-bord ta' kumpaniji privati.

F'Mejju 2012 bdiet tagħmel parti  mill-bord ta' kontroll ta' Cewecolor, 

kumpanija tal-istampar tar-ritratti li  tinsab fi Dresden fix-xlokk tal-Ġermanja.

Fil-passat, Cewecolor kellha biss  irġiel fuq il-bord ta' konsultazzjoni

Hi kumpanija innovattiva  ħafna li sfidat il-bidla.

Imma mhux daqshekk faċli  għal mara biex issib post

fuq il-bord  tad-diretturi fil-Ġermanja.

Tradizzjonalment,  il-post tal-mara hu d-dar.

Naħseb li n-nisa jiddeċiedu wkoll xi  ftit iżjed b'qalbhom milli b'moħħhom.

Il-fotografija hi wkoll  suġġett emozzjonali ħafna

u forsi l-emozzjonijiet ma  kellhomx rwol fil-kumpanija sa issa.

Forsi sejrin aħjar minħabba din  l-influwenza, l-influwenza femminili.

Xi kultant tista'  tħoss it-testosterone fil-bord? 

Iva, naħseb li l-mod li  jaħdmu flimkien inbidel xi ftit.

Imma verament iridulna l-ġid  u x'aktarx huma iżjed amikevoli.

Immorru Cottbus fejn Christiane  hi professur tal-università.

Waħda mill-isfidi tagħha hi kif ser tlaħħaq  mal-ħajja tal-familja u dik professjonali.

Diffiċli imma għandi prijoritajiet ċari.

Pereżempju, jekk ikolli  laqgħa wara l-5 jew is-6pm,

ħafna drabi nitlaq qabel biex inkun qgħadt  id-dar għallinqas għal sagħtejn jew tlieta

mal-familja tiegħi  imbagħad nerġa' mmur għax-xogħol.

Paradoss fl-edukazzjoni ta' bħalissa hi li  iżjed minn 50% tal-gradwati huma nisa.

Sfortunatament ma ssibhomx fl-għola  pożizzjonijiet fil-kumpaniji.

Minkejja dan, Christiane  hi kontra l-idea tal-kwoti.

Ġejt magħżula minħabba l-mod ta'  kif naħdem u l-ħiliet li għandi,

biex imbagħad jitrattawni bħala  mara li mhux kapaċi nifhem xejn.

Għal kuntrarju ta' Christiane,  Angelika Niebler, MPE Ġermaniża,

tikkunsidra li din  il-politika hi l-mod ta' kif tmexxi.

Għaliha l-kwoti huma  t-triq 'il quddiem.

Il-kwoti jistgħu jgħinu biex in-nisa jagħmlu  kuraġġ għal pożizzjonijiet ta' responsabbiltà.

Jiġifieri mhux l-uniku mod, imma  naħseb li hi indikazzjoni ċara mis-soċjetà

li rridu wkoll lin-nisa li jieħdu  r-responsabbiltà u għalhekk nappoġġjaha.

Immorru l-Italja fejn in-nisa xi  kultant isirulhom pressjonijiet kbar.

Stefania Boleso ħadmet għal għaxar snin

bħala direttur tas-servizzi  tal-kummerċ ma' kumpanija kbira tal-ikel.

Fl-2009 wara li kellha t-tfal  kienet imġiegħla titlaq mill-kumpanija.

Ma setgħux ikeċċuni minħabba  li binti ma kienx għad kellha sena

u minħabba l-kuntratt  professjonali tiegħi,

Qaluli, 'Qed noffrulek somma  flus. Aċċetta l-offerta u itlaq.'

Għaliha, il-bibien tal-kumpanija  ngħalqu mingħajr twissija

Dik hi r-realtà ta'  ħafna nisa fl-Italja.

Jekk jaċċettawk lura, ma jkollokx  iċ-ċans li tikber professjonalment.

Fortunatament hemm l-eċċezzjonijiet  imma dan jiġri f'ħafna każijiet.

donnu li moħħok ma jkunx qed  jaħdem ċar wara li tagħti l-ħajja.

Stefania għażlet  it-triq tax-xogħol għal rasha

Fl-Università Kattolika ta' Milan  hi tipprepara lill-istudenti tagħha

għad-dinja ta' kummerċ għoli  grazzi għall-esperjenza tagħha. 

Nikkunsidrahom bħala nies. Irġiel jew nisa,  nipprova ngħallimhom messaġġ wieħed.

Iserrħu fuq il-merti tagħhom hemm it-800  mara li qed jieħdu sehem f'korsijiet b'xejn.

Qed jippreparaw biex jissieħbu fil-bords

grazzi għall-kwoti introdotti  mil-liġi nazzjonali li għad kemm ġiet ivvutata.

X'hemm aħjar minn mara li hi  parti minn bord ta' diretturi

u li tifhem l-importanza li  jkun hemm crèche fil-kumpanija,

biex in-nisa jkunu jistgħu  jaħdmu b'moħħhom mistrieħ?

Hu ċirku ta' virtù li jrid - u ċerta  li hekk ser jagħmel - joħloq ix-xogħol.

Ippreparati u ddeterminati, in-nisa  huma lesti biex jaħtfu l-okkażjoni

offruta mid-direttiva l-ġdida li  timponi kwota ta' 40% ta' nisa sal-2020.