Skopri d-databażi pubblika onlajn fejn il-'lobbyists' ikunu involuti jiddikjaraw l-identità tagħhom, il-miri u l-ispejjeż. Il-Parlament qed jitlob biex ir-reġistrazzjoni ssir mandatorja.

Reġistru Ewropew għat-Trasparenza

https://api.multimedia.europarl.europa.eu/documents/20125/11600023/v007-0043-mt.srt

Madwar 30,000 partijiet  interessati li jirrappreżentaw l-interessi

tal-korporazzjonijiet, l-NGOs,  gruppi ta' studju, awtoritajiet pubbliċi,

assoċjazzjonijiet ta' kummerċ, ta' negozju  jew professjonali, huma bbażati fi Brussell.

Xi wħud minnhom kuljum deħlin  u ħerġin f'xi istituzzjoni tal-UE.

L-għan tagħhom: li jimmudellaw politika  li taqbel mal-bżonnijiet u r-realtajiet

taċ-ċittadini, negozji u  organizzazzjonijiet oħra fl-Istati Membri.

Hija prattika li tmur lura lejn l-1830, meta  gruppi li jirrappreżentaw l-interessi privati

kont tarahom fil-'lobbies' fil-House of  Commons iressqu l-każijiethom quddiem

MP mir-Renju Unit. B'risposta għat-tħassib  taċ-ċittadini tal-UE dwar l-indipendenza 

tal-istituzzjonijiet tal-UE fl-2011 twaqqaf  ir-Reġistru Ewropew tat-Trasparenza.

Din hi databażi pubblika onlajn fejn  l-organizzazzjonijiet iridu jirreġistraw

u jkunu mistiedna jiddikjaraw  min huma, lil min jirrappreżentaw,

xi jridu u kemm ser  jonfqu fuq il-lobbying.

Id-dettalji jridu jkunu  preċiżi, kompluti u aġġoranti

u dawk kollha li jkunu rreġistrati  jridu jiffirmaw kodiċi ta' kondotta.

Kull organizzazzjoni ġdida li titlob  biex tiġi rreġistrata tiġi ċċekkjata

u tista' titneħħa jekk  ikun hemm ilment.

Sal-2016 hemm iżjed minn 9,000  partijiet interessati rreġistrati. 

Dawn għandhom aċċess  għall-bini tal-istituzzjonijiet tal-UE biex

jiltaqgħu mal-ħaddiema ċivili, Kummissarji  u MPE u jpoġġu fuq panels ta' esperti.

Ir-Reġistru ta' Trasparenza  jiżgura skrutinju aħjar tal-lobbying,

li jkopri kemm il-lobbyists u lill-ħaddiema  taċ-ċivil u lill-MPE li jiltaqgħu magħhom.

Jekk il-lobbyists ma jimxux  ma' kodiċi ta' kondotta speċifiku,

jitilfu l-aċċess kollu  għall-awtoritajiet tal-UE.

S'issa, filwaqt li l-PE u l-Kummissjoni  jużaw ir-Reġistru tat-Trasparenza,

il-Kunsill jaġixxi biss bħala osservatur.

Finalment, biex inżidu iżjed it-trasparenza u  l-ftuħ fil-proċess tat-tiwsir tal-politika tal-UE,

il-Parlament qed jitlob lill-Kummissjoni

biex ir-reġistrazzjoni tal-partijiet  interessati ssir mandatorja sal-2017.