Idir 2017 agus 2018, tuairiscíodh níos mó ná 14,000 íospartach gáinneála ar dhaoine san AE. Is dóigh go bhfuil líon iarbhír na n-íospartach a bhaineann le dúshaothrú gnéasach nó saothair i bhfad níos airde. Ba iad saoránaigh an AE beagnach leath na n-íospartach ar fad a cláraíodh san AE. Tá feisirí de Pharlaimint na hEorpa ag éileamh níos mó comhair thrasnáisiúnta agus nuashonrú ar threoir fhrithgháinneála 2011.

human rights

Tá gáinneáil ar dhaoine fós beo beathach san AE

https://api.multimedia.europarl.europa.eu/documents/20125/2868062/N01-AFPS-210210-HUMT-GA.srt

"Ní leomhfainn focal a rá le duine ar bith.

Cuireadh iallach orm in ainneoin na gcúinsí, in ainneoin conas a mhothaigh mé,

Cuireadh iallach orm airgead a shaothrú dóibh...

Agus murar shaothraigh, tugadh greasáil dom."

Cuireadh iallach ar Elena dul isteach i ndrong striapachais ón Rómáin go dtí an Ghearmáin.

Tá sí ar dhuine de na mílte íospartaigh na gáinneála ar dhaoine san Eoraip.

Cláraíodh 14,145 íospartach san AE in 2017 agus 2018.

Is dóigh go mbeidh an líon iarbhír i bhfad níos airde

toisc go bhfuil go leor íospartach nár braitheadh fós i dtíortha Eorpacha.

“Roghnaigh mé an scéal iomlán a insint, iad a chúiseamh

caithfidh an misneach a bheith againn chun labhairt faoi na rudaí a tharla dúinn

Is mná agus cailíní 72% d’íospartaigh,

is minic a chuirtear iallach orthu dul le dúshaothrú gnéasach agus striapachas.

Is leanbh beagnach duine as gach ceathrar.

Úsáidtear daoine eile, fir den chuid is mó, le haghaidh saothar éignithe:

sa talmhaíocht, san earnáil tógála nó sa tionscal glantacháin.

“Tá sé de dhualgas orainn labhairt amach

chun go gcluinfear guthanna na n-íospartach.

Is iad leochaileacht na n-íospartach, saoirse ó phionósú coirpeach

agus na buntáistí ollmhóra eacnamaíocha

a ghineann an choir seo is cúis le gáinneáil."

Tá méadú in úsáid na dteicneolaíochtaí idirlín agus digiteacha

tar éis cur le cumas na gcoirpeach íospartaigh a earcú agus a gháinneáil.

Tá imní ar an AE, mar gheall ar Covid-19 agus ar an sleabhcadh eacnamaíoch,

an dífhostaíocht agus an imirce, go méadófar

na rioscaí gáinneála ar na daoine is leochailí.

Is fada Parlaimint na hEorpa i mbun troda

chun deireadh a chur le plá na gáinneála ar dhaoine.

Tá Feisirí ag éileamh níos mó comhair thrasnáisiúnta

agus ba mhaith leo na rialacha a fheabhsú maidir le cosc

agus le hionchúiseamh a dhéanamh ar gach cineál gáinneála san AE.