Wara l-leaks tal-Paradise Papers, membri tal-Parlament x'aktarx ser jagħmlu sejħa għal ħolqien ta' kumitat investigattiv speċjali, u fl-aħħar mill-aħħar ta' kumitat permanenti, sabiex jintefa' dawl fuq imġiba ħażina fil-qasam tat-tassazzjoni. Ser jittieħed vot fuq l-aħħar rakkomandazzjonijiet tal-Kumitat ta' Inkjesta fuq Il-Ħasil tal-Flus, l-Evitar tat-Taxxa u l-Evażjoni tat-Taxxa (PANA), fis-sessjoni plenarja ta' Diċembru. L-għan hu li jaċċeleraw l-implimentazzjoni ta' liġijiet kontra l-ħasil tal-flus.

monetary relations (2406)

Finance

L-evażjoni tat-taxxa teħtieġ inkjesta permanenti

https://api.multimedia.europarl.europa.eu/documents/20125/20459820/N01-PUB-171207-PANA-MT.srt

Mill-Panama Papers sal-aħħar leaks tal-Paradise Papers: 

l-evażjoni tat-taxxa mhix kwistjoni ta' barra l-Ewropa biss. 

Wara r-rivelazzjonijiet ta' Panama, il-Parlament iddeċieda li jwaqqaf kumitat ta' inkjesta

 biex jevalwa kif l-UE u l-Istati Membri qed jiġġieldu 

l-ħasil tal-flus u l-evażjoni tat-taxxa. 

Xi stati membri tal-UE huma riluttanti ħafna u kajmani ħafna biex jibdlu l-liġijiet 

sabiex inkunu nistgħu nevitaw l-evażjoni tat-taxxa u l-ħasil tal-flus, 

u hija problema kbira għall-maġġoranza tal-pajjiżi li jridu li jkollhom aġenda oħra. 

Il-punt kruċjali huwa r-rieda tajba tal-istati membri. 

U naħseb, li jekk m'hemmx mexxejja f'xi pajjiżi li jridu jibilgħu l-mediċina, 

naħseb li jkun hemm bżonn il-pressjoni mill-fehma pubblika. 

Il-membri tal-Parlament qed isejħu għal monitoraġġ u implimentazzjoni effettiva 

tar-regoli eżistenti fil-ġlieda kontra l-evitar tat-taxxa.

jekk joħorġu xi leaks ġodda, huma jipprovdu ismijiet ġodda ta' kumpaniji u individwi, 

imma t-teknika hija ftit jew wisq l-istess. 

Fost ir-rakkomandazzjonijiet: aktar traċċabilità 

u skambju akbar ta' informazzjoni fuq dawk li jħallsu t-taxxi u sidien. 

Il-MPE jridu wkoll sanzjonijiet proporzjonali f'każ ta' ksur tal-liġi. 

Dak li nagħmlu issa hu li nitolbu lit-tmexxija tal-Parlament 

għal kumitat speċjali biex jitfa' dawl fuq il-Paradise Papers, isejjaħ xhieda, 

isejjaħ persuni li ġew imsemmija fil-Paradise Papers

 biex jixhdu quddiem il-Parlament Ewropew, josserva dawn l-istrutturi, 

u naraw kif nistgħu nipprevjenu dawn l-istrutturi milli jiġu stabbiliti fil-futur.