Id-diskussjonijiet dwar il-baġit ikomplu fil-kumitati, il-Kanċillier Ġermaniża tindirizza lill-Parlament u l-pubbliku jingħata ċ-ċans li jiskopri l-finalisti tal-Premju LUX

Fuq l-Aġenda: Id-diskors ta' Merkel / L-elezzjonijiet tal-Istati Uniti / LUX

https://api.multimedia.europarl.europa.eu/documents/20125/16119589/n001-121102-004-mtx.srt

Ħelow. Ix-xogħol fil-Parlament jerġa' jibda  wara l-waqfa għall-festa tal-Qaddisin Kollha.

Din il-ġimgħa, il-MPE jiltaqgħu fi Brussell.

L-iskeda hi mimlija sew,  speċjalment għall-mistoqsijiet baġitarji.

Il-Parlament, il-Kummissjoni  u l-Istati Membri

jridu jiftiehmu dwar il-baġit għall-2013 u  wara, imma m'hemmx ċertezza li jirnexxu.

Il-mistiedna tal-ġimgħa hi Angela Merkel  li mistennija fil-PE fis-7 ta' Novembru

Il-Kanċillier Ġermaniża ser tindirizza  l-kapijiet tal-gruppi politiċi u lill-MPE.

Ser tkun it-tieni darba  ta' Angela Merkel fil-PE.

Waqt kriżi tad-dejn, għad hemm  ħafna kwistjonijiet kontroversjali:

l-unjoni bankarja, il-ftehim baġitarju...

Membri tal-Kumitat Ekonomiku għandhom  jaddottaw rapport fis-6 ta' Novembru

dwar l-Ewrobonds, biex jaqsmu d-dejn,  li l-Ġermanja ma tridx tisma' dwarhom.

Il-ġimgħa li ġejja għajnejn kulħadd fl-Ewropa  ser ikunu fuq l-Istati Uniti u fuq iċ-Ċina.

Il-45 President tal-Istati Uniti ser  ikun Barack Obama jew Mitt Romney.

X'inhuma l-implikazzjonijiet tar-riżultat  għall-UE u r-relazzjonijiet transatlantiċi?

Il-Kungress tal-Partit Komunist taċ-Ċina  ser jaħtar President Ġdid fit-8 ta' Novembru.

Mhux mistennija sorpriżi: Xi Jingping  mistenni jkun is-suċċessur ta' Hu Jintao.

il-ġimgħa d-dieħla l-pubbliku ser ikun jista'  jiskopri t-tliet kandidati tal-Premju LUX.

Mill-2007, il-premju taċ-ċinema  organizzat mill-PE jirrikonoxxi

x-xogħlijiet ċinematografiċi li jiffukaw fuq  dak li jħasseb l-iżjed liċ-ċittadini Ewropej.

It-tliet films finalisti ser jintwerew  fi Brussell mill-5 ta' Novembru

u fl-Uffiċċji ta' Informazzjoni  tal-PE madwar l-Ewropa.

Il-Premju ser jingħata fil-21  ta' Novembru fi Strasburgu.

It-tliet films li qed jikkompetu huma  ‘Csak a szél’ ta' Bence Fliegauf,

‘Io sono Li’ ta' Andrea Segre  u 'Tabu' ta' Miguel Gomes

Nawguraw li jirbaħ l-aħjar wieħed!  Il-ġimgħa t-tajba.