Fl-istaġun tal-premjijiet, Costa-Gavras jiċċelebra l-valur tal-premjijiet tal-Parlament u jifrex il-viżjoni tiegħu għal Ewropa fil-kuntest tal-kriżi kbar tal-lum.

Viżjoni ta' film mill-aqwa: Ewropa ta' kultura u edukazzjoni

https://api.multimedia.europarl.europa.eu/documents/20125/12138469/n003-0380-mtx.srt

Il-Parlament Ewropew ta l-Premju  LUX għall-Films 2015 lil 'Mustang'

tad-direttriċi Torka-Franċiża,  Deniz Gamze Ergüven.

Film, li skont hi,  jagħti forma lill-ideali tal-Ewropa.

Fl-emiċiklu kien hemm ukoll veteran  fil-ġeneru, il-produttur Costa-Gavras.

Għalih, ir-rwol tal-Ewropa hu sempliċi, li  tappoġġja l-kultura u l-edukazzjoni l-ewwel.

Costa-Gavras,  nilqgħuk fil-Parlament Ewropew.

X'dehrlek minn dan il-film u għalik  jissimbolizza l-ideal Ewropew?

Naħseb li jissimbolizza ħafna affarijiet.  L-ewwel nett, direttriċi żagħżugħa

li studjat Franza marret it-Turkija,  pajjiżha, u ħadmet film,

film il-ġmiel tiegħu dwar  problema li llum hi kwistjoni taħraq,

jiġifieri, kif iż-żgħażagħ isibu ruħhom  jiffaċċjaw nies li huma konservattivi ħafna,

biex ma ngħidx oskurantisti,  li jridu ċertu tip ta' ħajja.

Nisa li għandhom jinħbew wara velu,  iġibu ruħhom b'ċertu mod, ikunu skjavi.

Ħaġa interessanti  oħra hi li l-film hu bit-Tork.

Franza ddeċidiet li dan il-film ser  jirrappreżentahom għall-Oskars.

Dan ifisser li l-Ewropa - anke jekk  it-Turkija mhijiex kompletament Ewropea -

l-Ewropa tista' tagħmel  dawn it-tip ta' xogħlijiet

u tirrispetta l-lingwa tal-oħrajn,  u b'ċertu mod tipprommowviha.

X'inhi l-importanza  ta' dawn il-premjijiet kollha?

Hemm il-Premju Lux għall-Films, hemm  il-Premju Sakharov u l-Premju taċ-Ċittadin.

Fil-fehma tiegħek,  għaliex jistgħu jkunu importanti?

L-importanza qiegħda fil-fatt li l-Parlament,  l-Ewropa qed tieħdu ħsieb il-Kultura.

Minbarra dan, il-premju iżjed huwa  skuża milli politika kulturali ta' veru.

Naħseb li bħalissa l-Ewropa  m'għandhiex politika kulturali reali.

Huma mħassba bil-... Naf ix-xewqa  tal-MPE, iltqajt ma' xi wħud minnhom,

jixtiequ li jsir iżjed. Imma bħalissa  l-attenzjoni fuq l-ekonomija.

Il-Kummissjoni ma taħseb fuq xejn ħlief  fuq l-ekonomija u dak hu dak li nieħdu.

Jekk naraw l-Ewropa bħalissa,  il-kriżi Griega li tant sar sforz fuqha,

kif inhi l-Greċja?  - F'dan, l-Ewropa hi iżjed minn Ewropa.

Ma tantx nitkellmu fuqha  imma l-Greċja sejra ħażin ħafna,

Dak li kien inkoerenti mal-Ewropa,  jew il-Kummissjoni Ewropea

għax l-Ewropa hi differenti,  hemm il-MPE.

Il-Kummissjoni Ewropea tgħid,  le, le , dan id-dejn hu wisq,

il-Griegi qatt mhu ser ikunu jistgħu  jħallsuh lura. Imma mhux qed jitnaqqas.

Nemmen f'Tsipras bħala raġel,  ma nafx lil min għandu madwaru,

imma nemmen fih għax hu  żagħżugħ, ambizzjuż u nadif -

Ma nemminx li hu mdaħħal  f'xi ħaġa, u hu l-uniku tama.

Jekk inniżżilhom kollha,  il-kapijiet politiċi Griegi,

ma narax lil min iżjed  nista' nafda l-Greċja llum.

Għax ħafna minnhom  huma responsabbli mid-dejn.

Huma ħolqu s-sitwazzjoni ta' bħalissa.  Għalhekk nemmen fih minħabba f'hekk.

U nittama li jkollu s-saħħa  u r-rieda li jbiddel is-sitwazzjoni.

Imma ser tkun diffiċli ħafna għax  l-Ewropa mhux qed tgħin biżżejjed.

Jiġifieri temmen  f'din l-Ewropa jew le?

Wieħed irid jemmen fiha,  jikkritikaha u jitlobha biex tinbidel

għax jekk le, ser nieqfu  nemmnu u l-UE tispiċċa fix-xejn.

Illum il-Greċja hi l-ewwel pajjiż  li fih jaslu ħafna Sirjani u Iraqqini.

Kif jista' jiffaċċja din  is-sitwazzjoni, għandu l-mezzi?

l-Greċja diġà ilha bosta snin  tilqa' miljuni ta' immigranti.

Ma jistgħux jitilqu.  Ma jistgħux imorru lura pajjiżhom lanqas.

Jiġifieri hemm dan il-miljun, jew iżjed.

U issa ingħaqdu  magħhom għexieren ta' eluf oħrajn.

M'għadhiex il-kriżi, il-kriżi  ekonomika li l-Greċja taf,

imma Tsipras jaf għalhekk l-Ewropa taf  ukoll. Hi enormi. Ma nafx kif ser jirnexxu.

Ma nafx kif Tsipras ser jimmaniġġjaha  mingħajr l-għajnuna tal-Ewropa.

Kif tħares lejn is-sitwazzjoni ta'  bħalissa wara l-attakki f'Pariġi?

Rajna l-kapitali Belġjana  fi stat ta' tensjoni estrema

fuq l-ogħla livell possibbli ta' allerta.

X'inhi l-analiżi tiegħek  tas-sitwazzjoni, Costa-Gavras?

Hi verament traġika. M'hemmx aġġettivi  oħra li jiddeskrivu s-sitwazzjoni.

Imma naħseb li hi drama Ewropea ħafna  ikbar, unika, drama ġdida kompletament.

Nies li jeqirdu lilhom  infushom biex jeqirdu nies oħra.

Fl-istorja tal-Ewropa  kien hemm ħafna orruri

imma mhux dan. Jiġifieri  qatt ma kellna ngħaddu minn dan.

Ukoll, il-Belġjani  ma tantx kienu prudenti.

Dawn il-gruppi ilhom  snin jippreparaw ruħhom

u l-Belġjani ħallewhom fil-kwiet,  jew ma tawx kas, ma nafx liema.

L-Ewropa issa trid  tingħaqad kompletament.

Li kieku kellek tagħmel film...  Jinteressak tagħmel film dwar dan?

Biex tagħmel film, irid ikun hemm storja

li l-film jista' jispjega, jew jistudja  s-sitwazzjoni u l-ħsibijiet tan-nies.

Imma f'dan il-ħsieb mhux preżenti.  Il-ħsieb tagħhom hu wieħed kattiv. 

Jiġifieri ma nkunx naf x'naqbad  nagħmel, kif nitratta dan f'film.

Wara, jekk ikun hemm -  biex inkun ironiku,

dawn in-nies hemm l-idjoti. Ħafna  minnhom splodew lilhom infushom

mingħajr ma rnexxew  f'dak li riedu jagħmlu.

Jiġifieri wara dan kollu  hemm ukoll idjozija totali.

Fil-fehma tiegħi dik hi arma  li l-Ewropej jistgħu jużaw,

l-istupidità ta' dawn in-nies,  għax hemm ħafna minnha.

Iridu joqtlu lil min ma jemminx.  X'ser ibiddel dan? Iridu jibdlu lid-dinja?

Qatt mhu ser  jirnexxilhom ibiddluna fl-Ewropa.

Aħna b'saħħitna wisq. Id-demokraziji  tagħna huma verament b'saħħithom.

Costa-Gavras,  nirringrazzjak ħafna ta' din l-intervista.