Li nagħmlu l-imballaġġ kollu tal-plastik riċiklabbli sal-2030, huwa fost il-miri tal-istrateġija l-ġdida li l-Parlament Ewropew qed jeżamina. Il-miżuri l-ġodda se jgħinu lill-pajjiżi Ewropej inaqqsu l-ammont ta' skart tal-plastik li għadhom qed jipproduċu u jillimitaw l-impatt qerriedi fuq l-ambjent, il-klima, is-saħħa u l-ekonomija tagħna.

EU politics

Environment

Strateġija dwar il-plastik għal ekonomija ċirkolari

https://api.multimedia.europarl.europa.eu/documents/20125/17683903/N01-PUB-180907-PLAS-MT.srt

Dan iċ-ċentru ta' riċiklaġġ fi Franza jimmaniġġja kull tip ta' żibel tal-plastik. 

Oġġetti bħal fliexken tal-ħalib jew shampoo, 

bottijiet tal-jogurt, u anke cling film jiġu magħżula hawnhekk.

Inqas minn 30% ta' kważi 26 miljun tunellata ta' skart tal-plastik 

prodott kull sena issa huwa miġbur u użat mill-ġdid.

Biex jindirizza din il-problema, il-Parlament Ewropew qed jeżamina strateġija ġdida tal-plastiks.

Hemmhekk il-Kummissjoni għandha rwol x'tilgħab.

 Hija għandha tirrevedi l-ħtiġijiet essenzjali għall-imballaġġ tal-plastik 

sabiex tiżgura li l-imballaġġ kollu tal-plastik prodott fl-UE 

jista' jiġi użat mill-ġdid jew riċiklat sal-2030.

Fost miżuri oħra, il-Parlament irid jindirizza l-azzjoni dwar oġġetti li jintużaw darba.

L-iskart tal-plastik kurrentement jammonta għal aktar minn 80% tal-iskart fil-baħar. 

Nofs dan l-ammont jiġi minn plastik li jintuża darba.

Il-membri qed jappoġġaw l-adozzjoni ta' plastiks riċiklati fi prodotti ġodda, 

kif ukoll sforz akbar fir-riċerka u l-innovazzjoni.

S'issa konna qed nesternalizzaw il-problema tagħna tal-iskart tal-plastik 

lil pajjiżi bħaċ-Ċina u ċ-Ċina reċentement iddeċidiet li tipprojbixxi l-importazzjonijiet kollha 

tal-iskart tal-plastiks tal-UE u għaldaqstant irridu naġixxu issa, irridu nkunu innovattivi u irridu ninvestu.

Il-ħolqien ta' suq ġenwin għal plastiks riċiklati jista' jippermetti lill-Ewropa 

ddawwar l-iskart tal-plastik f'riżorsa ekonomika.