Kif tista’ l-UE tibdel il-mudell ekonomiku tagħha biex tibbenefika lill-konsumaturi u l-pjaneta? Aimilios fil-Belġju u Laetitia fi Franza għandhom (parti minn) din is-soluzzjoni!

Aimilios u t-tim tiegħu tal-Watt4Ever jirrikundizzjonaw il-batteriji qodma tal-karozzi elettriċi biex jagħmlu sistemi ġodda tal-ħażna tal-enerġija, u effettivament jagħtu t-tieni ħajja lill-batteriji u jsalvaw materja prima u enerġija prezzjużi filwaqt li jevitaw iktar tniġġis.

Laetitia u “Halte à l'Obsolescence Programmée”, jew HOP (“Waqqaf l-Obsolexxenza Ppjanata”), iħabirku biex il-prodotti ta’ kuljum iservu iktar fit-tul u jkunu jissewwew iktar.

Il-Parlament Ewropew jappoġġja miżuri madwar l-UE kollha għall-promozzjoni ta’ ekonomija ċirkolari, għad-dritt għat-tiswija u għal riċiklaġġ aħjar tal-materja prima, biex jiġi evitat it-tniġġis tal-pjaneta u biex tibbenefika l-kartiera tiegħek.

Programmi tal-UE bħal Orizzont Ewropa flimkien mal-fondi għall-iżvilupp rurali u reġjonali jiżguraw li proġetti bħal dawn jiksbu r-riżorsi li jeħtieġu.

Nagħmlu l-ekonomija taħdem għalik u għall-pjaneta: iltaqa’ ma’ Aimilios u Laetitia - 9:16 EE24