Manfred Weber, 46 sena, huwa l-kandidat għall-Presidenza tal-Kummissjoni Ewropea, li jirrappreżenta l-Partit Popolari Ewropew. Huwa ser jieħu sehem f'dibattitu televiżiv mal-kandidati ta' gruppi politiċi oħrajn fil-15 ta' Mejju, organizzat mill-Unjoni Ewropea tax-Xandir u ospitat mill-Parlament Ewropew.

European election

Dibattitu Presidenzjali tal-UE: kandidat ewlieni Manfred Weber (PPE)

https://api.multimedia.europarl.europa.eu/documents/20125/17015281/N01-PUB-190510-WEBER-MT.srt

Irrid li l-Ewropa tkun stabbli, demokratika u ambizzjuża għall-ġejjieni. 

Manfred Weber malajr tela' miż-żmien bikri tiegħu f'raħal Bavarjan żgħir 

għall-ogħla skaluni tal-politika Ewropea. 

Wara li lesta l-istudji tiegħu fl-inġinerija, 

huwa waqqaf żewġ kumpaniji b'suċċess filwaqt li kompla jsegwi l-karriera politika tiegħu.

 Ta' 29 sena, huwa sar l-iżgħar membru tal-Parlament tal-Istat tal-Bavarja. 

Sena wara biss ġie elett għall-Parlament Ewropew.

 Nieħu gost insir naf xi jqanqal u jimmotiva lin-nies. 

Ilu fil-Parlament Ewropew għal 15-il sena: 

l-ewwel bħala MPE, imbagħad bħala l-iżgħar mexxej li qatt kien hemm tal-grupp tal-Partit Popolari Ewropew.

 Huwa wkoll membru tal-Kumitat Ċentrali tal-Kattoliċi Ġermaniżi. 

Għadu marbut bil-qawwa mar-raħal u r-reġjun tiegħu. 

Meta nkun f'pajjiżi, l-aktar ħaġa importanti għalija hi li niltaqa' mal-ħbieb, 

li jkolli konverżazzjoni komda bħala bniedem - 

mhux bħala politiku jew f'kapaċità uffiċjali, iżda bħala persuna. 

Nipprova nagħmel xi sports u mmur niġri. 

Nipprova nisma' l-mużika, naħseb b'mod innovattiv u nittratta suġġetti li m'għandhomx x'jaqsmu mal-politika. 

Iżda meta jkun jivvjaġġa fuq il-kampanja tiegħu, Weber irid jiltaqa' maċ-ċittadini u n-negozji 

Għalih, hemm aktar fatturi li jagħqdu liċ-ċittadini Ewropej milli li jaqsmuhom.

 Huwa tassew affaxxinanti għalija li nara li l-problemi, il-biżgħat, it-tħassib 

u t-tamiet għall-ġejjieni miċ-ċittadini Ewropej huma simili: 

jimpurtahom dwar il-bidla klimatika, ir-rifuġjati, 

jimpurtahom dwar jekk jistax ikollna salarji aħjar u kundizzjonijiet tal-ħajja tajbin.