P. Nikiforos Diamandouros jispiċċa f'Ottubru wara 10 snin iservi bħala Ombudsman u jgħid fuq EuroparlTV li t-trasparenza qed tieħu post is-segretezza fost l-uffiċċjali tal-UE.

Intervista: 'L-affarijiet tjiebu' - l-Ombudsman uxxenti

https://api.multimedia.europarl.europa.eu/documents/20125/16315748/n003-0250-mt.srt

Nikiforos Diamandouros,  ilek 10 snin Ombudsman

u tgħid li f'dak iż-żmien,  l-amministrazzjoni tal-UE

saret iżjed trasparenti, favur  iċ-ċittadini u b'mentalità li tagħti servizz.

Iżda sadanittant inti ftaħt numru  rekord ta' inkjesti attwali fl-2012.

Ifisser li, l-istituzzjonijiet tal-UE u ċ-ċittadini  huma iżjed konxji tad-drittijiet tagħhom,

u l-obbligazzjonijiet, sa fejn  l-istituzzjonijiet huma involuti.

Għalhekk, jafu fejn għandhom imorru.  Imorru għand l-Ombudsman Ewropew,

jagħmlu l-mistoqsijiet  tagħhom u jħalluna ngħinuhom.

Jien nieħu ċertu sodisfazzjoni minn din  it-tip ta' statistika bħala evidenza tal-fatti

li ċ-ċittadini issa huma iżjed kapaċi li  jfittxu d-drittijiet taħt it-Trattat ta' Liżbona.

u attitudni ħafna aħjar lejn is-servizz  min-naħa tal-istituzzjonijiet infushom.

Kien hemm trasformazzjoni  f'dan l-aħħar deċennju?

Dejjem inħobb  nagħżel kliemi b'reqqa kbira.

Ngħid biss li kien hemm bidla  li tinħass, bidla importanti,

u żgur li qegħdin 'il bogħod  ħafna minn fejn konna qabel l-2001

meta l-liġi tal-art, biex ngħid hekk, il-prattika  ewlenija kienet il-prattika tas-segretezza

fejn l-informazzjoni disponibbli  kollha f'idejn l-amministrazzjoni pubblika

kienet tingħata 'skont id-diskrezzjoni',

u kienet għażlet li ma tagħtix l-informazzjoni,  kellha d-diskrezzjoni ma tagħmilx hekk,

għax mill-2001, bir-regolament il-ġdid,  l-informazzjoni kollha hi pubblika

u għalhekk  l-istituzzjonijiet iridu jagħtuha

sakemm ma jinvokawx erba', u erba' biss,  eċċezzjonijiet speċifiċi għal dawn ir-regoli.

Li tapplika l-liġi fil-ħajja  jimplika evoluzzjoni gradwali

Imma dejjem hemm ħafna spazju  għal titjib il-ħin kollu u dan hu

dak li qed nipprova nagħmel billi nimbotta  b'mod proattiv biex dan iseħħ fuq kull livell.

Qed tgħid li kien hemm bidla fil-mod  ta' kif jaħsbuha, imma fir-rigward

tat-trasparenza, tħares lura lejn l-affarijiet  bħall-Aġenzija tal-Mediċini Ewropej

bħala xi ħaġa li fiha l-uffiċċju tiegħek  għamel differenza, differenza kbira.

Nixtieq naħseb li kien  hemm numru ta' oqsma

fejn l-uffiċċju seta'  jagħmel differenza kbira ta' sustanza

Il-każ li semmejt bl-Aġenzija  tal-Mediċini Ewropej hu importanti ħafna

għax id-deċiżjonijiet tagħha li joħorġu  informazzjoni dwar it-testijiet kliniċi  

għall-mard, medikazzjoni li  taffettwa miljuni ta' persuni,

ifisser li issa għandna  deċiżjoni biex nikxfu l-informazzjoni

fuq kwistjonijiet li verament imissu  mal-ħajja ta' kuljum ta' miljuni ta' ċittadini.

Inħossni kuntent li l-Ombudsman  ikkontribwixxa għal din il-bidla.

Min ser jiġi warajja jrid  joqgħod attent tal-bżonn

li jiġu kkunsidrati l-kwistjonijiet  ta' apparenza u perċezzjoni

mhux biss il-kwistjoni ġenwina  tal-indipendenza u l-imparzjalità.

L-Organizzazzjoni  għall-Koperazzjoni u l-Iżvilupp Ekonomiku

żviluppat kriterja ta'  kunflitti ta' interess u tkellmet

dwar il-kunflitti ta' interess reali  kif ukoll dwar dawk apparenti.

Bħala Ombudsman għandek,  għax inti awtorità morali,

hekk kif tibqa' wieqaf jew taqa' fuq  il-kredibilità tal-awtorità morali tiegħek,

tiżgura li l-perċezzjoni tiegħek  tkun imparzjali u indipendenti

u li bl-ebda mod  ma' tkun waħda ta' dubju.

Ma nistax nimmaġina li ser tirtira.  X'ser tagħmel?

Grazzi, naħseb li dik  hi deskrizzjoni preċiża ħafna.

Qasam li ħassejt in-nuqqas tiegħu f'dawn  l-aħħar 15-il sena li ilni Ombudsman -

ħamsa bħala Ombudsman tal-Greċja u  għaxra bħala Ombudsman Ewropew -

kien il-fatt li l-obbligazzjonijiet  professjonali dejjem kellhom jiġu l-ewwel

u nkun nista' inniżżel l-esperjenzi  tiegħi bħala Ombudsman tal-UE,

li nikteb dwar il-qasam tal-ispeċjalizzazzjoni  tiegħi li hu l-kwalità tad-demokrazija,

Nixtieq ukoll li nerġà lura lejn ir-rwol  ta' ċittadin attiv ta' pajjiżi stess,

Għalhekk naħseb, li dawn iż-żewġ oqsma,  flimkien ma' li nkun nista' ngawdi lill-familja 

u lil sħabi iżjed, jagħtuk ir-risposta  li fil-fatt mhux ser inkun qed nirtira

imma rrid ikolli biss biżżejjed żmien biex  indawwar l-attenzjoni u l-enerġiji tiegħi

Ħerqan biex naqra l-ewwel ktieb tiegħek.

Nikiforos Diamandouros,  nirringrazzjak ħafna.

Grazzi ħafna talli tajtni ċ-ċans biex  inkun nista' naqsam il-fehmiet tiegħi.