Ewropol iżjed b'saħħtu ser ikun jista' jipprevjeni l-attakki terroristiċi u jwaqqaf lill-ġiħadisti ċibernetiċi fi triqithom? Il-Kap Rob Wainwright iwieġeb.

Kontro-terroriżmu: xi rwol għandu l-Ewropol?

https://api.multimedia.europarl.europa.eu/documents/20125/12013814/n003-0347-mt.srt

Is-sitwazzjoni tas-sigurtà fl-Ewropa  nbidlet b'mod drammatiku fl-aħħar snin.

Fl-ewwel tliet xhur tal-2015 biss,  ġew arrestati 154 persuna.

Mela liema hi t-triq  li għandna naqbdu?

Żgur li qatt mhu ser nivvota favur  projbizzjoni ta' kriptaġġ fl-UE.

L-Istati Membri kif jikkordinaw ir-rispons  tagħhom għall-attakki ċibernetiċi?

Hekk kif is-sħab iswed tat-terroriżmu  qed isegwi d-dell tal-Ewropa

EuroparlTV poġġa bilqiegħda ma' Rob  Wainwright, id-Direttur ta' Europol -

il-persuna li tikkumbatti r-reati  serji u t-terroriżmu fl-Unjoni.

Sur Wainwrigt, nirringrazzjak  talli ngħaqqadt magħna fuq EuroparlTV.

Tista' tkellimna  dwar ir-rwol ta' Europol?

Ovvjament inti ma kellekx  taħdem fuq it-terroriżmu,

imma l-mandat tiegħek  inbidel tul iż-snin.

Kemm inti effettiv bħala  għodda għall-kontro terroriżmu?

Għal iżjed minn għaxar snin issa,  u fil-fatt anke qabel il-9/11,

il-mandat kien jinkludi  wkoll il-kontro-terroriżmu. 

U dan żgur li kiber fl-aħħar  10 snin, u għal darb'oħra din is-sena

wara l-attakki koroh f'Pariġi  u f'postijiet Ewropej oħra.

Għalhekk Europol qiegħed hemm biex jgħin  lill-pulizija tidentifika l-kriminali

u t-terroristi u biex tikkordina operazzjonijiet  li jipprevjenu attakki bħal dawk li rajna.

L-Istati Membri, kemm jippermettulkom  aċċess għall-informazzjoni?

Hi kwistjoni iżjed  operazzjonali milli amministrattiva,

għax aħna qegħdin fuq quddiem nett  fl-iskambju tal-intelliġenza dwar każijiet

għaddejjin biex nidentifikaw nies suspettati  u ngħinu fil-kordinazzjoni tal-operazzjonijiet.

Wara l-attakki ta'  Pariġi, pereżempju,

konna kapaċi naqsmu mal-awtoritajiet  Franċiżi intelliġenza tajba ħafna,

b'mod partikolari dwar  l-iffinanzjar ta' dawk l-attakki

Imma iva, Europol mhijiex qawwa  tal-pulizija, aħna mhux l-FBI,

ma narrestawx nies,  m'għandniex dik is-saħħa eżekuttiva.

Aħna qegħdin hemm biss biex nipprovdu  appoġġ operazzjonali, appoġġ ta'

intelliġenza u dik xi ħaġa li ffukajna  fuqha fil-qasam tal-kontro-terroriżmu.

Xi nies jgħidu li wara l-attakki ta' Pariġi  r-rwol tiegħek ma setax jevolvi iżjed.

F'laqgħa li għadu kif kellna  fil-Parlament, ma semmejtx li 

Europol qed iwaqqaf unità ta' kontro-  terroriżmu biex tgħin lill-Istati Membri.

Tista' tgħidilna dwar kif  ir-rwol tiegħek jista' jevolvi?

Għandna bżonn organizzazzjonijiet  internazzjonali bħal Europol

u qed niffukaw fuq l-isforzi  ta' Europol biex nipprovdu dan

biex inkunu nistgħu nikkontrollaw  l-iffinanzjar terroristiku, l-influss

tal-armi illegali b'mod  partikolari u speċjalment l-intelliġenza

dwar dawn in-nies li qed  imorru u jiġu mis-Sirja u l-Iraq.

Jista' jkun li Europol  qed iċċajpar il-linji? 

Xi MPE kienu qed jikkritikawk  fil-laqgħa għax qed iċċajpru l-linji

bejn dik li hi kompetenza nazzjonali  u dak li għandu jkun ir-rwol ta' Europol.

Aħna ffukati biex  nipprovdu l-appoġġ massimu,

ovvjament ta' dak li hu fl-ambitu  tal-mandat legali tagħna - ma naqbżux dan.

U dwar iż-żieda tal-ġiħadisti ċibernetiċi?  Rajnihom jieħdu TV5Monde f'idejhom.

Xi ftit sorpriż li ma rajniex saħansitra  dimensjoni akbar ta' terroriżmu onlajn,

għax il-firxa ta' attakki,  il-kapaċità kriminali

li rajna żviluppat  fuq l-internet fl-aħħar sentejn,

li l-gruppi  kriminali organizzati qed jużaw,

jmur lil hinn mill-iskala normali fir-rigward  ta' kemm hu diffiċli għalina li nwaqqfuh

milli jagħmel ħsara kbira lill-ekonomiji  tagħna u lis-sigurtà tan-nies.

Issa l-gruppi terroristiċi,  fosthom l-Istat Iżlamiku, qed jilħquna.

Għadhom pjuttost rudimentali, fil-fatt.

Għad baqa' triq twila quddiemna,  imma naħseb li qegħdin fi stadju

fejn aħna mħassbin dwar il-possibbiltà  ta' attakk terroristiku ċibernetiku.

Nafu li l-aġenziji ma jistgħux isibu kull  suspettat jew terrorist magħruf.

Imma kif ser inwaqqfu lin-nies  milli jaħarbulna minn idejna?

Għax wara l-attakki ta' Pariġi smajna li

l-awtoritajiet Franċiżi kienu jafu li wieħed  mill-aħwa Kouachi kien ivvjaġġa fil-Yemen.

Verament diffiċli. Qed titratta  komunità kbira ta' terroristi potenzjali,

ta' nies li jista' jkun li  marru s-Sirja u l-Iraq jew le,

li jista' jkun li marru  f'żoni oħra ta' kunflitt jew le. 

Fil-każ ta' Pariġi, l-awtoritajiet Franċiżi,  fuq l-informazzjoni disponibbli li kellhom

ma kinux taw prijorità lill-każ,  għax għaddew 10 snin qabel ma taw każ.

Dan jgħid xi ħaġa wkoll dwar il-limiti li  l-pulizija u s-servizzi ta' sigurtà għandhom

fil-mod ta' kif jifirxu r-riżorsi tagħhom.

Ma nistgħux nissorveljaw eluf  u eluf ta' nies fl-istess ħin.

Forsi lanqas biss irridu  dan fid-demokraziji liberali tagħna.

Mela din hi pjuttost kwistjoni  tal-użu tal-iżjed intelliġenza tajba

biex l-iżjed każi  importanti jiġu prijoritizzati.

U parti minn dan hi kwistjoni tal-qsim  effettiv tal-informazzjoni tul il-fruntieri. 

Imma għaliex Europol u mhux,  ngħidu aħna, Interpol?

Għax għandna mekkaniżmu  legali aħjar, iżjed għarfien,

aħjar protezzjoni tal-informazzjoni, kontrolli  hawn tas-sigurtà tal-iformazzjoni fl-UE. 

Sur Wainwright, nirringrazzjak talli  kont magħna fuq EuroparlTV. -Pjaċir tiegħi.