Madwar id-dinja, qed jintilfu l-foresti b'rata allarmanti: l-ekwivalenti ta' 800 grawnd tal-futbol kull siegħa. Billi d-deforestazzjoni hija kontributur ewlieni għat-tibdil fil-klima u kawża ewlenija għat-telfien tal-bijodiversità, qed isir aktar u aktar ċar li ma jistax jinkiseb futur sostenibbli mingħajr ma niffaċċjaw id-deforestazzjoni, u rridu nieħdu miżuri wkoll biex nipproteġu u nimmaniġġjaw il-foresti b'mod sostenibbli. L-Organizzazzjoni tal-Ikel u l-Agrikoltura tan-Nazzjonijiet Uniti tistma li 420 miljun ettaru ta' foresti - żona akbar mill-Unjoni Ewropea - intilfu minħabba d-deforestazzjoni bejn l-1990 u l-2020. Il-konsum tal-Unjoni Ewropea huwa stmat li hu responsabbli għal madwar 10% tad-deforestazzjoni globali.

European Parliament

deforestation

Lejn komoditajiet u prodotti li ma jikkontribwixxux għad-deforestazzjoni fl-Unjoni Ewropea - Malti