Mheasúnaigh Feisirí Eorpacha Coimisinéirí ainmnithe lena chinntiú go bhfuil siad oiriúnach don phost agus chun a gcumas chun riar ar ionchais mhuintir na hEorpa a thástáil. Ceistíodh Virginijus Sinkevičius, Johannes Hahn, Margaritis Schinas agus Dubravka Šuica do na punanna maidir le Comhshaol, Buiséad, Modh Maireachtála na hEorpa agus Daonlathas. Tar éis ainmnithe aonair a imscrúdú, beidh an focal scoir ag an bParlaimint ar an gCoimisiún ina iomláine.

European election

EU politics

rights of the individual

Environment

EU borders

Coimisinéirí ainmnithe: um an gComhshaol, um an mBuiséad, um Modh Maireachtála na hEorpa agus um an Daonlathas á gceistiú ag Feisirí

https://api.multimedia.europarl.europa.eu/documents/20125/5676914/N01-PUB-191005-HEAR5-GA.srt

Cheistigh Feisirí Eorpacha coimisinéirí ainmnithe

 um an gComhshaol, um an mBuiséad, um Modh Maireachtála na hEorpa agus um an Daonlathas.

Is é Virginijus Sinkevičius an coimisinéir ainmnithe um an gComhshaol agus na hAigéin.

Is é an coimisinéir ainmnithe is óige é

 agus faoi láthair tá sé ina Aire Geilleagair agus Nuálaíochta sa Liotuáin.

D'iarr na coistí Iascaigh agus Comhshaoil a chuid pleananna air d'iascaigh,

caighdeáin um cháilíocht an aeir agus a phlean gníomhaíochta um an mbithéagsúlacht.

Is í m'uaillmhian is mó, má dhearbhaítear mé,

 ná an Beart Glas a chur i bhfeidhm ar an talamh.

 Beart a oibríonn d'aigéin, don chomhshaol agus dár saoránaigh.

Tá Johannes Hahn molta don phost Buiséid agus Riaracháin.

Bhí an tOstarach faoi dhó sa Choimisiún Eorpach

 agus is é an coimisinéir um Méadú agus um an mBeartas Comharsanachta atá ag dul as oifig.

Is uirlis é an buiséad chun a chinntiú gur fórsa daonlathach, síochánta, rathúil agus iomaíoch fós í an Eoraip.

 Is léiriú é ar dhlúthpháirtíocht na hEorpa.

Cheistigh comhaltaí den Choiste um an mBuiséad agus den Choiste um Rialú Buiséadach faoin gCiste, Just Trasition Fund,

 ról riail an dlí agus an chaoi a n-oibreodh sé leis an oifig Frith-Chalaoise.

Tá Margaritis Schinas molta don phost mar Leas-Uachtarán atá i gceannas ar ár Modh Maireachtála Eorpach a Chosaint.

Is ionann Eorpach agus síocháin, saoirse, comhionannas, daonlathas, meas ar dhínit an duine.

Bhí an Gréagach ina Fheisire Eorpach roimhe

 agus ba é Príomh-Urlabhraí an Choimisiúin é le 5 bliana anuas.

Cheistigh roinnt Feisirí Eorpacha Schinas faoi theideal na punainne nua seo

 agus faoina chuid pleananna maidir le déileáil le himirce agus éagothromaíocht ar fud an AE.

 Ainmníodh Feisire Eorpach, Dubravka Šuica mar Leas-Uachtarán an Choimisiúin maidir le Daonlathas agus Déimeagrafaíocht.

Ní mór dúinn guth níos láidre a thabhairt d'Eorpaigh.

 Deis chun an cumas a athghabháil chun a bpobal, an tsochaí, an tAontas ina bhfuil cónaí orthu a mhúnlú.

Bhí sí ina méara ar Dubrovnic agus ina Comhalta den Pharlaimint sa Chróit.

Cheistigh an Coiste um Ghnóthaí Bunreachtúla í ar an-chuid ábhar:

 ligean do mhuintir na nEorpa tuairimí a chur in iúl, ról na Parlaiminte sa phlé agus cuimsitheacht.

Tá vótáil na Parlaiminte, a chinnfidh a nglacfar leis an gCoimisiún nó a ndiúltófar dó, ina iomláine,

 le bheith ann ar an 23 Deireadh Fómhair.