L-invażjoni mir-Russja tal-Ukrajna qajmet kriżi enerġetika u inflazzjoni għolja madwar l-Ewropa. Il-Parlament Ewropew irid jiżgura li l-UE tkun reżiljenti biżżejjed biex tiffaċċja kriżijiet oħra fil-futur. Dan huwa għaliex qed issostni proġetti ambizzjużi u b’viżjoni li jagħmlu l-ekonomiji u s-soċjetajiet tagħna aktar b’saħħithom.

Erik għen lill-kumpaniji Żvediżi Amokabel u Bennesveds Akeri jistabbilixxu l-ewwel stazzjon tal-idroġenu awtosuffiċjenti tal-pajjiż: Uppvidinge Vätgas. Dan jipprovdi fjuwil nadif prodott bl-użu tal-enerġija mir-riħ lokali. 

Fl-Irlanda, Hannah hija speċjalista tal-karbonju ma’ Bord na Móna, kumpanija li mill-estrazzjoni tal-pit għall-fjuwil saret mexxejja fil-produzzjoni ta’ enerġija nadifa. Hi qed tgħin bir-riabilitazzjoni tat-torbieri tal-pajjiż, li jistgħu jaħżnu ammonti enormi ta’ karbonju, li se jgħin lill-UE tilħaq l-għanijiet klimatiċi tagħha.

Inizjattivi bħal dawn, iffinanzjati mill-Faċilità għall-Irkupru u r-Reżiljenza tal-UE, huma fil-qalba ta’ Ewropa aktar b’saħħitha u aktar risponsiva.

Nibnu l-ekonomija tal-futur tal-UE: iltaqa’ ma’ Erik u Hanna