Fl-aħħar sessjoni tas-sena tal-Parlament fi Strasburgu, il-MPE se jagħtu l-Premju Sakharov lill-attivist Ujgur miżmum taħt arrest Ilham Tohti in absentia, jeleġġu Ombudsman tal-UE ġdid, jiddiskutu l-istat tad-dritt f'Malta u aktar.

EU politics

Sakharov Prize

rights of the individual

human rights

Dalwaqt minn Strasburgu: Il-Premju Sakharov, l-Ombudsman tal-UE u l-istat tad-dritt f'Malta

https://api.multimedia.europarl.europa.eu/documents/20125/4784581/N01-PUB-191213-CMUP-MT.srt

L-attivist Ujgur Ilham Tohti se jingħata

l-Premju Sakharov għal-Libertà tal-Ħsieb għall-2019.

Akkużat li huwa separatist, dan bħalissa qed iservi sentenza għal għomru l-ħabs fiċ-Ċina.

Il-MPE jirrikonoxxu l-ħidma tiegħu biex jgħaqqad iċ-Ċiniżi Han

u l-Musulmani Ujgur u qed jitolbu l-ħelsien tiegħu.

Il-MPE se jiddiskutu l-eżitu tal-aħħar summit tal-Kunsill Ewropew.

It-tibdil fil-klima, il-baġit fit-tul tal-UE u l-Brexit kienu fuq l-aġenda.

Il-President il-ġdid tal-Kunsill Ewropew

Charles Michel se jirrapporta lura lill-Parlament għall-ewwel darba.

Il-Parlament se jeleġġi l-Ombudsman il-ġdid tal-UE għal terminu ta' 5 snin.

L-Ombudsman jinvestiga allegazzjonijiet ta' amministrazzjoni ħażina mill-istituzzjonijiet,

il-korpi u l-aġenziji tal-UE, wara li jkunu saru lmenti minn ċittadini tal-UE jew fuq inizjattiva proprja.

Il-MPE se jiddibattu l-istat tad-dritt f'Malta,

wara li bagħtu missjoni biex tinvestiga l-fatti fil-pajjiż.

Id-delegazzjoni kienet qed tinvestiga allegazzjonijiet ta' korruzzjoni tal-istat

wara l-qtil tal-ġurnalista Daphne Caruana Galizia.

It-Trattat ta' Lisbona daħal fis-seħħ 10 snin ilu, fl-1 ta' Diċembru 2009.

It-Trattat ta iktar setgħat lill-Parlament,

u poġġieh fl-istess livell tal-Kunsill fil-proċess ta' teħid ta' deċiżjonijiet tal-UE.