Hekk kif il-Parlament u l-Kummissjoni jinnegozjaw 'lista ta' pajjiżi ta' oriġini sigura', staqsejna lil MPE Sylvie Guillaume dan xi jfisser kemm għar-refuġjati kif ukoll għall-istati tal-UE li qegħdin f'diffikultà.

Il-kriżi tal-immigrazzjoni: L-Ewropa indeċiża sabet xi ħaġa li tistabilizzaha?

https://api.multimedia.europarl.europa.eu/documents/20125/20502707/n003-0382-mt.srt

L-UE rċeviet iżjed minn miljun  talba għal kenn mill-bidu tas-sena.

Taħt din il-pressjoni migratorja,  l-għaqda Ewropea hi taħt pressjoni.

Biex tappoġġja lill-Istati Membri  ħalli jimmaniġġjaw ir-refuġjati,

l-UE qed tistudja l-għażliet tal-ħolqien ta'  lista komuni ta' pajjiżi tal-oriġini bla periklu -

f'Settembru, l-Kummissjoni Ewropea  pproponiet seba' pajjiżi għal din il-lista.

Fil-Parlament, is-Soċjalista Sylvie Guillaume  hi responsabbli fuq xogħol relatat,

iltqajna magħha lejliet  l-ewwel dibattitu tal-kumitat.

Merħba Sa Guillaume, grazzi talli  ġejt hawnhekk għal din l-intervista.

Ser nibda b'mistoqsija sempliċi  ħafna, tista' tagħtina definizzjoni

ta' din il-lista ta' pajjiżi  tal-oriġini bla periklu. X'inhi?

Pajjiż ta' oriġini bla periklu jrid jiġi ppruvat li  għandu stat ta' dritt eżistenti u demokratika. 

Ikun ukoll pajjiż fejn vis-à-vis  iċ-ċittadini: ma jkunx hemm persekuzzjoni,

u t-trattament inuman u degradanti  kollu jkun formalment irrifjutat,

u b'hekk jiżgura  s-sigurtà tal-persuni mill-pajjiż.

Għaliex noħolqu lista ta' dawn il-pajjiżi?  Lista komuni għall-UE.

Diġà hemm listi eżistenti,  kif qed tinferixxi,

ta' pajjiż ta' oriġini  bla periklu fl-Istati Membri.

L-idea, nemmen, hi li jkun  hemm approċċ komuni fost it-28 Stat

u għalhekk forma ta'  armonizzazzjoni addizzjonali 'l quddiem

fuq il-kwistjoni  ta' pajjiżi ta' oriġini bla periklu.

Mela xi rwol ser ikollha din il-lista fir-rigward  tal-kriżi tal-immigrazzjoni ta' bħalissa?

Irridu nżommu f'moħħna li l-għan mhux li  nużaw l-għodod ta' immaniġġjar ta' kenn

bħala għodod biex  nitrattaw il-kriżi tal-immigrazzjoni.

Minkejja dan, jidher ċar, pereżempju,  li f'din il-lista hemm pajjiżi tal-Balkani:

numru kbir ta' ċittadini tal-pajjiżi tal-Balkani  japplikaw għall-kenn fl-istati tal-UE

Mela huwa veru, irridu naraw  lista ta' pajjiżi ta' oriġini bla periklu

anke bħala trażżin  għall-applikazzjonijiet għall-kenn.

Semmejt il-Balkani, illum iċ-ċittadini  tal-Balkani jagħmlu 17% mit-talbiet

għall-kenn imma kif għedt inti,  huma biss 2% li jiġu approvati.

Imma imbagħad, dan iqajjem il-kwistjoni:

din il-lista qed isservi biss biex tiffaċilità  r-ritorn ta' immigranti lejn pajjiżhom?

Xi wħud jemmnu li l-lista ser tintuża biex  twaqqaf jew anke tevita talbiet ta'

eżaminazzjoni imma rrid nagħmilha ċara li  anke jekk xi ħadd ikun ċittadin ta' 

pajjiż ta' oriġini bla periklu,  xorta jista' jitlob kenn f'pajjiż tal-UE.

Mhux biss tista' ssir talba, imma  hemm garanzija li din tiġi eżaminata.

Xorta ser tibqa' ssir eżaminazzjoni  ta' kull sitwazzjoni individwali?

Eżatt, każ każ. Id-dritt  għall-kenn hu d-dritt ta' kull individwu.

It-Turkija wkoll hi inkluża fil-lista  ta' pajjiżi li ressqet il-Kummissjoni.

Fil-fehma tiegħek, tista' u għandha t-Turkija  tkun parti minn din il-lista ta' pajjiżi siguri?

Dan ser jiġi diskuss  fil-Parlament u mal-kollegi tiegħi.

Għandna niftakru li meta mqabbel  mal-kriterja li missejna qabel,

ir-rata ta' applikazzjonijiet għall-kenn  mit-Turkija għal pajjiżi tal-UE hi ferm ogħla

u r-rata ta' approvazzjoni għall-istatus ta'  refuġjat hi għolja, l-iżjed minn ċittadini ta'

orġini Kurda. Mela dan  differenti mill-pajjiżi tal-Balkani,

u d-dibattitu mingħajr dubju ser ikun  sensittiv ħafna fuq din il-kwistjoni.

L-idea ta' lista komuni,  l-UE ilha tirrifletti fuqha snin

Taħseb li din id-darba  tista' tkun ta' suċċess?

Naħseb li ladarba  l-kunċett tal-lista jibda

u jservi biex jgħin lill dawk li qed  ifittxu kenn b'ċans kbir li jiġu approvati,

minħabba ta' perċezzjoni  jew ta' sitwazzjoni intollerabbli

ovvjament dawn in-nies  iridu jkunu kapaċi jiksbu kenn...

Għal dawn li jiġu  minn pajjiżi bla periklu

iċ-ċansijiet li jingħataw  kenn huma fil-fatt inqas. 

Għalhekk huwa fuq dawn  il-linji li nistgħu nagħmlu progress.

Sylvie Guillaume, grazzi.  -Nirringrazzjak.