Juncker ser ikun jista' jiġbor it-315-il biljun ewro li jeħtieġ għall-pjan il-ġdid tiegħu biex jistimula t-tkabbir fl-UE? Il-Kummissarju Moscovici u l-MPE Langen u Matias jgħidu tagħhom.

Il-pjan ta' investiment ta' Juncker: mibni fuq ir-ramel jew fuq art soda?

https://api.multimedia.europarl.europa.eu/documents/20125/11904575/n003-0322-mt.srt

Mument kritiku hekk kif Juncker  jippreżenta l-pjan ta' investiment tiegħu.

L-għan hu li jiġu injettati 315 biljun  ewro fl-ekonomija u jinħoloq ix-xogħol.

Staqsejna lill-Kummissarju għall-Ekonomija  u l-Affarijiet Monetarji, Pierre Moscovici,

u lill-MPE,  Marisa Matias u Werner Langen.

Dan il-pjan kif ser  jistimula t-tkabbir u x-xogħol?

Ser ikun hemm mekkaniżmu bbażat  fuq fondi mill-baġit tal-Komunità

li ser jagħtina ċ-ċans  nistimulaw il-flus fis-swieq

u eventwalment noħolqu  kapaċità sinjifikanti ta' self.

Dawn huma flus żejda: 240 biljun  ewro li ser jiġu injettati fl-ekonomija

ladarba huma dawk li jmexxu t-tkabbir,  għalhekk 315 biljun b'kollox.

Għandna bżonn l-investiment l-istess  bħalma għandna bżonn il-ħobż x'nieklu.

Imma dan il-pjan mhux hekk,  dan il-pjan hu tip ta' att ta' fiduċja,

għax Juncker jemmen li kull  ewro mill-flus pubbliċi li tiġi investita

ser tiġi mmultiplikata fi 15-il ewro  ta' investiment privat.

Dan jista' jkun li jeżisti f'xi pjaneta oħra  imma mhux fuq id-Dinja u mhux fl-Ewropa.

Il-mistoqsija hi jekk  minflok noħolqu dejn ġdid

ikunx aħjar li kieku nimmobilizzaw  il-kapital privat għal ħidma pubblika,

ħidma fis-servizz pubbliku,  fl-infrastruttura... Dak hemm bżonn li jsir.

Li kieku l-BEI jagħmel dan possibbli billi  jipprovdi garanziji u kollaterali bit-tliet A,

il-programm jista' jkun suċċess,  imma l-ewwel irid juri li hu effettiv.

Fond ġdid, li parti minnu tistrieħ fuq  il-kontribuzzjonijiet statali, jista' jkun effettiv?

L-Istati Membri m'għandhomx il-flus,  l-istati ma baqalhomx flus.

Għandna din it-theddida, theddida  permanenti ta' dejn u rati ta' interess,

għalhekk il-flus pubbliċi kollha li  jeżistu, l-iżjed fil-periferija taż-Żona Ewro,

huma allokati għall-ħlas tar-rati ta' interess.

Naħseb li hi idea tajba li tinvolvi  lill-Istati Membri f'din il-kwistjoni.

Sa nofs l-2015, irridu nikkunsidraw  it-tneħħija tal-ostakli burokratiċi.

Trid tiġi mmaniġġjata b'mod flessibbli -  b'entità superviżorja li taħdem

mal-Bank Ewropew tal-Invesitment u  l-Kummissjoni biex tagħżel l-aħjar proġetti.

Għax jekk ma jkollokx  flus xejn mhu possibbli.

Jekk ikollok il-flus u l-proġetti,  imma ma tistax iżżewweġ it-tnejn flimkien,

xejn ma jaħdem, għalhekk  huwa ezzenzjali li jkollok it-tnejn.

Il-Bank Ewropew tal-Investiment  ser ikollu rwol importanti ħafna

imma għaliex dan  kollu għandu jaħdem issa?

Il-BEI ser joħloq għodod speċifiċi li  n-negozji ser ikollhom aċċess għalihom.

Imma, ħafna mill-proġetti ser ikunu  proġetti infrastrutturali fuq skala kbira.

Din id-darba kien essenzjali, li jittieħdu  r-riskji imma mhux billi jiżdied għal darb'oħra

l-kapital tal-BEI imma billi  tiżdied il-kapaċità ta' self tiegħu.

Naf li l-maniġers issa diġà ppreparati.

Il-Bank Ewropew tal-Investiment  hu interessat ħafna iżjed

li jżomm il-klassifika AAA  milli jinvesti fi proġetti riskjużi.

Għalhekk il-BEI jaħdem biss fuq proġetti  kbar, ma' kumpaniji kbar u multinazzjonali,

filwaqt li madwar 85% tan-nisġa  soċjali Ewropea hi magħmula mill-IŻM.

Jiġifieri il-Kummissjoni ta'  Juncker għażlet it-triq it-tajba?

Naħseb li l-pjan ta' Juncker hu innovattiv

għax juri li dawk il-pajjiżi li  għamlu l-isforz tar-riforma fil-kriżi

bil-mod il-mod qed joħorġu mill-kriżi.

Il-mudelli li kienu ta'  suċċess f'dawk il-pajjiżi,

il-proġetti ta' sħubija pubblika-privata,  it-tneħħija tal-burokrazija,

ir-riformi strutturali jridu jiġu applikati  madwar l-Ewropa f'politika komuni.

Irridu nevitaw l-idea ta'  soluzzjoni ta' malajr għall-kriżi.

Ma rridx li noħloq it-tama  li mbagħad tista' tispiċċa f'diżappunt.

Le, kulħadd irid jagħmel is-sehem tiegħu.  Il-politika baġitarja trid tkun bis-sens,

il-politika monetarja trid tappoġġja t-tkabbir,  ir-riformi stutturali huma essenzjali.

Livelli oħra ta' awtorità, nazzjonali u lokali,  wkoll iridu jagħmlu s-sehem tagħhom.

Imma anke jekk stess dan isir, l-UE,  il-Kummissjoni Ewropea, qed tressaq pjan

li fih il-kontribuzzjoni ewlenija hi li jinħoloq  it-tkabbir u b'hekk ix-xogħol fl-Ewropa.