Għandu jkun hemm politika tal-immigrazzjoni tal-UE li tillimita l-influss ta' refuġjati biss għal dawk li qed jaħarbu mill-kunflitt, jew torganizza mezzi biex tilqa' lil dawk kollha li qed jħarbu l-faqar? Żewġ MPE jgħidu tagħhom.

Intervista: Id-diżastru tal-immigranti f'Lampeduża - x'għandha tagħmel l-Ewropa?

https://api.multimedia.europarl.europa.eu/documents/20125/16401932/n003-0263-mtx.srt

Dawn huma l-iżjed ixxurtjati. Wara  li qasmu fuq taparsi dgħajsa,

waslu qrib il-gżira Taljana, Lampeduża.

Fil-bidu t'Ottubru, oħrajn kienu inqas  ixxurtjati. Mietu mal-mitt ruħ.

Kif għandna nirreaġixxu għal din it-traġedja?

Staqsejna lil Hélène Flautre, MPE  Franċiża fil-Grupp tal-Ħodor,

u lil Manfred Weber, MPE Ġermaniż  fil-Partit Popolari Ewropew.

Din is-sitwazzjoni hi marbuta mal-politika  ta' gwerra kontra l-immigranti,

u l-ġlieda kontra l-immigrazzjoni illegali,

li qed issir mill-Unjoni Ewropea  u l-Istati Membri tagħha.

Minn din it-traġedja  għandna nitgħallmu lezzjoni.

Jista' jkollok id-drones, satelliti,  dgħajjes u vapuri kollha fil-Mediterran

li jaħdmu biex l-immigranti  jdawruhom lura, jaqtgħulhom qalbhom,

ma jħalluhomx jitilqu, eċċ,  imma qatt mhu ser ikollna suċċess.

Il-lezzjoni li għandna nieħdu hi li  ssir prattika komuni li noqogħdu attenti.

Dawk mal-fruntieri esterni  iridu jagħtu każ nies f'diffikultà.

Hi inaċċettabbli li jkollok liġijiet Taljani li ma  jippermettux l-għajnuna lil nies f'periklu.

Imma hemm problema. Lampeduża qed turi  l-limiti tal-politika ta' bħalissa.

Il-politika ta' immigrazzjoni fl-Ewropa  kif għandha tkun organizzata?

Il-mobilità trid tkun organizzata,  il-fruntieri jridu jkunu qishom ġilda,

porużi, miftuħa. In-nies  iridu jkunu jistgħu jiċċirkolaw.

Għalhekk irridu noħolqu qafas  għall-kanali legali ta' immigrazzjoni.

Irridu nbiddlu l-approċċ tal-politika.

Il-politika tal-immigrazzjoni  tfisser li torganizza ċ-ċirkolazzjoni.

Hemm bżonn politika ċara. Min-naħa biex  tingħata għażla sigura tad-dħul fl-Ewropa

lil dawk li qed ibatu minn persekuzzjoni  politika, pereżempju fis-Sirja. 

Mill-banda l-oħra hemm  nies li huma ddisprati

ma jistgħux isibu xogħol  jew ifasslu l-futur tagħhom,

għalhekk qed ifittxu  iżjed sigurtà finanzjarja.

Bħala Ewropej m'għandniex għażla ħlief li  nagħmlu differenza bejn dawn il-gruppi.

In-nies qed jitkellmu dwar Fontex, l-aġenzija  li tikkordina l-kontrolli tal-fruntieri.

Falliet jew m'għandhiex flus biżżejjed?

Le, naħseb li l-ilmenti ta' Frontex  dwar il-baġit hi tal-mistħija.

L-operazzjoni Frontex  ilha għaddejja mill-2011

biex tipprevjeni dan it-tip ta'  diżastru f'Lampeduża stess. X'ġara?

Naħseb li ma nistgħux nitilfu din  l-opportunità biex naħsbu dwar il-miri 

tal-operazzjonijiet Frontex u jekk  humiex effettivi. Hemm bżonn nagħmlu dan.

Imma t-tort ta' dan id-diżastru hu  tan-nuqqasijiet ta' Frontex? Ma naħsibx.

Irridu nifhmu għaliex in-nies lesti li  jagħmlu dan il-pass f'dawn il-kundizzjonijiet.

Bħala MPE, aħna rridu  Frontex iżjed b'saħħitha.

Ippruvajna nsaħħu u nappoġġjaw lill-Frontex  ħafna drabi bil-baġits riċenti tagħna,

imma l-awtoritajiet nazzjonali huma dawk  inkarigati mill-fruntieri esterni tal-Ewropa.

Fuq ix-xatt ta' Lampeduża, huma jieħdu  ħsieb, minn fuq vapur li jħares ix-xatt.

Huma uffiċċjali Taljani li jikkontrollaw anke  meta jkun hemm ħaddiema ta' Frontex.

Ma nistgħux inneħħu l-kontroll  minn idejn l-Istati Membri.

L-Istati Membri m'għandhomx  jitħallew jagħtu t-tort lil Brussell.

Il-ministri tal-intern nazzjonali huma  responsabbli mix-xogħol għall-għajnuna

umanitarja. Mela x'inhi s-soluzzjoni tiegħek  biex tikkontrolla l-influss tal-immigranti?

Għandna nagħmlu  differenza bejn l-immigranti?

Naħseb li l-istati jaqblu  fuq il-ħarsien tas-sigurtà tagħhom.

Imma ħares lejn is-sitwazzjoni  li jinsabu fiha s-Sirjani llum.

M'għandniex aħna, fuq  livell ta' Unjoni Ewropea,

nerfgħu parti  mir-responsabbiltà biex nipproteġu lin-nies?

X'aktarx tkun protezzjoni temporanja.  Kulħadd jittama li s-sitwazzjoni titjieb.

Imma sewwa li s-Sirjani  jmutu fil-Mediterran?

Sewwa li s-Sirjani ma jistgħux jaqsmu  l-fruntiera bejn it-Turkija u l-Greċja

biex jitolbu d-dritt għall-protezzjoni?

Biex aħna l-Ewropej nieħdu  r-responsabbiltajiet umanitarji bis-serjetà

għandna, speċjalment fil-każ tas-Sirja,

nipprovdu lill-UNHCR  b'qafas ġdid u kwoti ġodda,

biex dawk li nqabdu fil-Libanu, fil-Ġordan  u fit-Turkija jingħataw kenn temporanju.

Hemm bżonn ta' politika dwar ir-rifuġjati  u għaqda fuq dawn il-kwistjonijiet.

Imma ħa nerġa' ntenni, mhux ser insolvu  l-problemi ekonomiċi tal-Afrika

billi niftħu l-fruntieri  tal-Ewropa għal kulħadd.