Paweł Pawlikowski, id-direttur ta' 'Ida', il-film rebbieħ tal-Premju Lux 2014, jitkellem dwar l-importanza tal-premju u l-iffinanzjar taċ-Ċinema Ewropea futura mill-UE.

Il-film 'Ida' jżid il-Premju Lux tal-Parlament mal-lista ta' premjijiet

https://api.multimedia.europarl.europa.eu/documents/20125/11919293/n003-0331-mt.srt

Wara li rebaħ il-premju  għall-films Ewropej f'Riga,

il-film Pollakk issa rebaħ  il-Premju Lux tal-Parlament Ewropew.

Magħżul minn ġurija ta' MPE,  id-direttur tal-film, Paweł Pawlikowski, 

irċieva l-premju mingħand  il-President Martin Schulz.

Il-premju jrebbaħ films  li jolqtu l-valuri Ewropej.

Imma x'kienu l-movitazzjonijiet wara Ida?

Is-Sur Pawlikowski, wieġeb għal  xi mistoqsijiet ta' EuroparlTV.

Paweł Pawlikowski, l-ewwel  nett awguri għal dan il-premju.

X'kienet l-ewwel sensazzjoni  wara li rċevejt il-premju?

Jekk tħares lejn il-film  u l-mod ta' kif inħoloq,

x'kienet l-ikbar sfida waqt  il-ġbid biex dan il-film sar?

Uuu, kollox kien sfida.  Ma kellniex biżżejjed flus,

id-direttur tal-fotografija telaq wara  l-ewwel jum ta' ġbid, inqala' minn kollox.

Tant kien hemm diżastri  li l-editur tiegħi qal: 

b'dawn id-diżastri kollha, jista'  jispiċċa jkollna film interessanti.

Ħa ngħidlek, hu film interessanti  u mhux l-ewwel premju li rċivejt.

Għaliex taħseb li dan  il-film hu daqshekk ta' suċċess?

Kont tobsor li ser  ikollu dan is-suċċess?

Stennejt xi ftit tas-suċċess għax kien  jogħġobni u għamiltu eżatt kif ridt.

Imma l-fatt li nfirex  mad-dinja u rawh miljuni ta' nies,

Xi ħaġa bħal din qatt ma ġratli qabel  u ma bdejtx nagħmlu b'dak il-għan.

M'hemmx bżonn niskuża ruħi,  imma kienet kompletament sorpriża.

Ejja ngħidu, nistgħu nsejħu  l-film storja oskura, b'xi mod?

Din parti mill-istorja Pollakka,  li titkellem dwar l-olokawst?

Din parti mis-soċjetà  Pollakka li m'għamlitx ix-xogħol?

Le, hu film hekk, mhuwiex  film biex jagħlaq il-kontijiet.

Mhuwiex film dwar l-olokawst.  Hu dwar ħafna affarijiet.

Ħafna affarijiet li ma jistgħux  jiġu deskritti f'suġġett wieħed.

Kien hemm ħafna films fil-Polonja  fuq is-suġġett tal-olokawst,

l-għeluq tal-kontijiet u l-attitudnijiet  kritiċi tal-Pollakki, dawn saru.

Jien ma nagħmilx films ta' dak it-tip.  Ippruvajt nagħmel film

dwar kwistjonijiet universali:  il-ħtija, id-dgħufija imma anke l-maħfra,

paradossi tar-ruħ tal-bniedem  u tas-sitwazzjonijiet storiċi.

Imma dan hu s-simbolu  taċ-ċinema Ewropea

li tesplora affarijiet speċifiċi  b'mod 'oskur', biex nerġa nuża l-kelma?

Dak li hemm speċifiku dwaru hu  li tagħmel film b'mod li hu liberu

ħafna u mingħajr mistħija  li ma jkunx dwar kwistjoni,

li ma jkunx dwar ħaġa waħda speċifika,  li jkollu ċertu poeżija dwaru,

ċertu libertà, li jsib il-forma  li tmur mal-kontenut u viċi-versa.

U film li ma jkunx sar biex jagħmel  il-flus ukoll, xi ħaġa diffiċli ħafna llum.

Imma naħseb li dak hu l-għan li  għandha tappoġġja u tiddefendi l-Ewropa.

Anke jekk inti qed tgħid li  mhuwiex dwar l-istorja tal-olokawst,

hemm kwistjoni ta' reliġjonijiet  fih ukoll, dwar ir-reliġjon Lhudija?

Għaliex ir-reliġjon Lhudija?   Huwa dwar il-fidi, iva, il-fidi b'mod ġenerali,

imma anke l-fidi fil-Marxiżmu,  il-bżonn tal-fidi.

Ovvjament kulħadd  għandu l-bżonn li jemmen.

Dan il-film għamiltu  għal Ewropa Pollakka

jew ħsibt f'Ewropa Ewropea,  jew biss bħala film kif inhu?

Film kif inhu. Għamiltu għal  xi tip ta' udjenza ideali,

Anke fl-Amerika hemm  udjenza għal dan it-tip ta' film.

ridt li ċ-ċinema Pollakka tkun kburija  bih għax hemm involut it-teħid ta' riskju.

U biex ngħid hekk l-arroganza  biex tagħmel film bħal dan

li jfakkarni fl-arti Pollakka ta'  ħafna ilu, fil-50ijiet u s-60ijiet

u ma ppruvatx timita lill-Punent, u nittama  li Ida hu parti minn dik it-tradizzjoni.

Meta tħares lejn l-ekonomija Ewropea,  ma nafx jekk issegwix,

meta tħares lejn  l-awsterità, il-kultura, 

il-baġits għall-films li x'aktarx  ser jitnaqqsu mill-gvernijiet,

kif tirreaġixxi għal dan,  b'film bħal dan?

X'nista' ngħid? Nittama li jkun hemm  biżżejjed flus biex inkomplu nagħmlu l-arti.

Ifhem, biex tagħmel film  tajjeb ma tridx daqshekk flus

imma xorta, irid ikun hemm  flus pubbliċi, appoġġ pubbliku

u kuxjenza li ċ-ċinema u l-arti b'mod  ġenerali, iċ-ċinema, hi forma ta' arti

u li għandha tkun protetta  mill-pressjonijiet tas-suq u dawk politiċi.

U għalhekk il-premju  tal-lum tant għandu valur

għax juri li l-Unjoni  Ewropea u l-Parlament Ewropew

jipproteġu l-films diffiċli,  jew films li mhumiex daqshekk ovvji.

U naħseb li dan hu sinjal tajjeb ħafna u  verament kuntent li rċevejt dan il-premju.

Paweł Pawlikowski, grazzi ta'  din l-intervista. -Grazzi lilek.