Il-Parlament Ewropew iddibatta regoli ġodda dwar il-protezzjoni tal-konsumatur u l-ftuħ ta' kanali ġodda għall-informaturi biex jirrapportaw bla periklu mġiba ħażina. Teknoloġija dwar is-sikurezza fit-toroq għandha tkun installata f'vetturi ġodda mill-2022, u ħaddiema Ewropej f'forom ta' impjieg atipiċi jew ġodda għandu ikollhom drittijiet minimi. Il-membri vvutaw ukoll fuq programm ta' finanzjament biex jixpruna l-istrateġija diġitali tal-Ewropa.

technology

consumer protection

employment (4406)

monetary relations (2406)

DSM (Digital Single Market)

Mis-sikurezza fit-toroq sal-informaturi: ħames punti minn Strasburgu

https://api.multimedia.europarl.europa.eu/documents/20125/10326768/N01-PUB-180429-FNUM-MT.srt

It-toroq fl-UE huma l-aktar sikuri fid-dinja.

Il-Parlament ivvota biex itejjeb is-sikurezza fit-toroq ulterjorment

billi jagħmel obbligatorji 30 teknoloġijia li ssalva l-ħajja

fil-mudelli ġodda kollha minn Mejju 2022.

L-UE titlef sa €9.6 biljun f'akkwist pubbliku kull sena

minħabba nuqqas ta' protezzjoni għall-informaturi.

Il-Membri vvotaw biex jassiguraw li l-informaturi jkollhom kanali sikuri biex jirrapportaw imġiba ħażina.

Il-konsumaturi għandu jkollhom l-istess drittijiet kemm jekk jixtru prodott online jew offline,

inklużi rimedji jekk il-prodott ikun difettuż.

Skont ir-regoli ġodda, il-kummerċjant ser ikun responsabbli

jekk il-prodott jiġrilu l-ħsara f'sentejn mix-xiri.

Hemm 3 miljun ħaddiem fl-UE f'xogħol fl-ekonomija tal-gigs.

Il-Parlament qabel dwar miżuri sabiex jassiguraw kundizzjonijiet tax-xogħol

inklużi li l-impjegaturi ma jistgħux iwaqqfu ħaddiema milli jidħlu f'impjieg ieħor

Il-membri vvotaw biex iniedu programm ta' €9.2 biljun

biex isawru t-trasformazzjoni diġitali futura Ewropea.

Dan ser jgħin l-iffinanzjar ta' supercomputers, teknoloġija AI,

sikurezza ċibernetika u ħiliet diġitali għaċ-ċittadini.