L-UE appoġġjat għexieren ta' eluf ta' proġetti madwar l-Ewropa permezz tal-Fond Soċjali Ewropew. Proġett wieħed bħal dan huwa din l-lukanda soċjalment responsabbli fil-Polonja, li tagħti liż-żgħażagħ inqas privileġjati għajnuna biex jidħlu fid-dinja tax-xogħol. Il-Parlament jixtieq jiżgura li l-FSE jkompli jappoġġja proġetti bħal dawn.

EU politics

young person

employment (4406)

FSE+: Nissimplifikaw il-Fond Soċjali Ewropew

https://api.multimedia.europarl.europa.eu/documents/20125/16944246/N01-PUB-181205-SOCI-MT.srt

Din hija s-So Stay Hotel fil-belt Pollakka ta' Gdansk. 

U għalkemm fuq barra tidher qisa lukanda ordinarja... 

Il-lukanda tħaddem u tħarreġ żgħażagħ li kellhom bidu diffiċli fil-ħajja. 

Dawn kollha trabbew fi djar tal-kura jew foster homes.

 Huwa inkredibilment sodisfaċenti meta persuna żagħżugħa ta' 19-il sena 

tkun lesta biex tidħol fis-suq tax-xogħol u wara xahar tiġi lura 

biex tirringrazzjak għall-preparazzjoni li rċeviet fil-lukanda. 

Il-proġett ġie mniedi bl-għajnuna tal-Fond Soċjali Ewropew.

 Programm li jappoġġja għexieren ta' eluf ta' proġetti bħal "So Stay" madwar l-UE. 

Permezz tas-suċċessi tal-Fond, il-FSE issa se jevolvi. 

Il-Parlament jixtieq jara l-FSE jamalgama ma' erba' fondi u programmi oħrajn,

 biex joħloq l-FSE+, li jissimplifika l-għodod tal-UE għall-ġlieda kontra l-inugwaljanza. 

Il-fond il-ġdid se jġib appoġġ finanzjarju għall-impjieg taż-żgħażagħ, 

it-tfal, l-inklużjoni soċjali, is-saħħa u l-innovazzjoni soċjali. 

Dan kollu jaqa' taħt pakkett wieħed, li jagħmlu l-kanal ewlieni għall-investiment tal-UE fin-nies.

 Dan se jirraggruppa mill-ġdid fondi dedikati għal dawk l-inqas ixxurtjati,

 kif ukoll il-Garanzija għaż-ŻgħaŻagħ u l-Inizjattiva favur l-Impjieg taż-Żgħażagħ.

 Aħna se jkollna flessibbiltà ikbar u se jkun iktar faċli li naħdmu b'dawn il-programmi kollha. 

L-għan tal-FSE+ huwa li tinħoloq Ewropa iktar ġusta u reżiljenti 

fejn iċ-ċittadini kollha jingħataw opportunitajiet indaqs u jkollhom aċċess għall-edukazzjoni, 

it-taħriġ u l-impjieg, irrispettivament mill-isfond tagħhom. 

Il-bidliet se jiffaċilitaw u jħaffu wkoll id-distribuzzjoni u t-talbiet għall-fondi.