Kun af kif il-Parlament Ewropew irid jipproteġi l-miljuni li jagħmlu ħlasijiet regolari bil-karta tal-krettu milli jintlaqtu minn miżati eżaġerati fuq tranżazzjonijiet.

Innaqqsu l-ispejjeż biex nagħtu mbuttatura lill-ħlasijiet bil-karti tal-krettu

https://api.multimedia.europarl.europa.eu/documents/20125/12115256/v007-0035-mt.srt

Li tħallas bil-karta tal-krettu  mhix xi ħaġa straordinarja fl-Ewropa.

Hemm 760 miljun karta tal-krettu  għal 508 miljun ċittadin Ewropew,

jiġifieri, karta u nofs għal kull persuna.

Jekk ma tqisx il-flus kontanti, il-karti huma  l-metodu ta' ħlas l-iżjed preferut fl-UE

warajhom, ħafna wara,  jiġu t-trasferimenti ta' krettu, 

id-debiti diretti, iċ-ċekkijiet u fl-aħħar il-flus  elettroniċi u strumenti oħra ta' ħlas.

S'issa, dan it-tip ta' ħlas bil-karta jista'  jinvolvi spejjeż addizzjonali eċċessivi

li l-Parlament Ewropew  iddeċieda li jiġġieled kontrihom.

Għal kull tranżazzjoni bil-karta il-bejjiegħa  jħallsu miżata ta' interskambju bejn il-banek

Dawn l-ispejjeż iżiduhom mal-prezz  tal-oġġett jew tas-servizz li joffru.

Ir-rati jvarjaw  ħafna bejn il-pajjiżi.

Pereżempju, fid-Danimarka, kellhom  rata ta' 0.1% tal-ispiża tat-tranżazzjoni.

Fil-Polonja, qabel  is-sajf tal-2014, setgħu jilħqu l-1.6%.

Imma f'Lulju ta' dik is-sena, ġie  introdott limitu nazzjonali ta' 0.5%.

Dan il-limitu l-ġdid issettjat  mill-Parlament Ewropew ser ikun

ta' 0.2% tal-valur tat-tranżazzjoni għall-  pagamenti transkonfinali bil-karti tad-debitu.

F'ħames snin, l-istess limitu ser  japplika għat-tranżazzjonijiet nazzjonali.

L-Istati Membri jistgħu jagħmlu miżata fissa,  ta' 5ċ tal-ewro għal tranżazzjonijiet żgħar.

Imma sadanittant il-limitu ser ikun ta' 0.2%

tal-valur nazzjonali medju annwali  għat-tranżazzjonijiet bil-karta.

Dwar il-karti tal-krettu,  il-limitu huwa fiss fuq 0.3%.

L-Istati Membri dejjem  jistgħu jissettjaw limitu iżjed baxx

għat-tranżazzjonijiet  f'pajjiżhom stess jekk iridu.